لماذا في الغالب هناك مشاكل بين الزوجة وأهل الزوج ؟
لماذا وهم في الغالب هم من اختاروها ورضوا بها ولم يتم الزواج إلا وهم مقتنعون بها 100%..؟؟؟
لماذا يكون الحال قبل الزواج هو الفرح بمن ستكون زوجة ابنهم وبعد الزواج يقلبون لها ظهر المجن؟؟
لماذا هذا التناقض والتصرف غير المفهوم..؟؟
يعني إنسانه رحتوا وشفتوها وعجبتكم وقلتوا هذي هي البنت اللي نباها حق ولدنا.. وعرفتوا أصلها وفصلها.. فليش من بعد الزواج تصير مشاكل؟
لا تقولون غيرة.. وما عرف شوو.. هذي الإنسانة إنتوا اللي اخترتوها وما حد جبركم إنكو تختارونها ولا حد ضربكم على إيديكم وسحبكم من إيديكم وأصر عليكم إنكم تناسبونها.. إنتوا وحدكم اللي رحتوا وعملتوا وسيتوا..
وأنا موقصدي إن ما تحصل مشاكل وإن الحال يكون سمنة على عسل العمر كله.. لا .. شي طبيعي جداً إن يكون في مشاكل.. بس بهذا الشكل: استحقار واستخفاف وتآمر وكيد وضغينة وحقد وحسد وضرب وما أعرف شو وكل يوم تنكيد على الزوج وعلى حياته.. وتحطوه بين أمرين: يا نحن يا هي..
أرجوكم معشر النساء.. هذه دعوة للتصارح وتبيان الأسباب الحقيقية لتلك المشاكل بينكم وبين زوجات أبنائكم وإخوانكم..
وأكرر: بنت إنتوا اخترتوها بإرادتكم وعجبتكم وشفتوها مناسبة.. خلاص ما في داعي للمشاكل الكبيرة.. وإن كان من حاجة للنصح والتوجيه فبالحسنى وبأطيب الأساليب.. تماماً كأنها أختكم أو بنتكم مو وحدة غريبة.. وبعدين إنتوا همكم راحة ابنكم وأخوكم.. فما داعي لكل لهاي المشاكل..
لأن حرام مشاكل الحريم تكبر…وتكبر…لأسباب تافهه..وبعدها يصير الطلاق..وتشتتون اسره كااااامله
أم..وأب..وأبنـــــاء….ليش كل هذا..المفروض كل وحده وكل واحد يراجع نفسه ..ليش انا قلت هالشي
ليش انا تصرفت هالتصرف الطائش…ليش ما اكون اكثر اتزان وحكمه…وصبر..!!!!!!!!!!!!!!!!!!!!!!
صدقوني مافي احلى من العائله..لو حسبنا لها ألف حسااااااااااااااب…
ناس تتمنى يكون عندها اب وام واخوه…حتى لو كانت في جو من المشاحنات والمشاكل…بس تظل
العائله لها رقيها النفسي بين افراد الاسره…اتمنى انكم فهمتوا قصدي…وربي يسعد كل وحده مع ريلها
وأهل ريلها..^ــــــــــــــــــــ^
ياليت كل وحده تناقشني بكل الكلام اللي قلته…يعني لازم نرد الصاع صاعين..ولا الأهل غلطانين من الاول
ولا انتي ما احسنتي الاختياااااااااااااااار…؟؟!!!!!
ودمتم سالمين.
انا من وجهت نظري لو كل وحده اعتبرت حماتها امها وتقبلت منها كل شي مثل ماتتقبل من امها بتكون علاقتها معاها زينه…الطيب غالب الطبيب
لكن يااختي الحين بعض البناااات الله يهداهن مايتحملن شئ ويدخلن الزوج في الكبيره والصغيره
امك قالت
اختك سوت
البشكاره مادري شو فيها
ليش هذا كله ؟؟؟
ترى هم مختارينج لولدهم هذا جزااااهم
وبعدين ترى الريااااال مايرضى في اهله…والزوجه تتعوض لكن الاهل مالهم عوض
ولازم نمشي ع مبدأ عاااامل الناس كم تحب ان تعااااامل
اتمنى اني اكون وضحت وجهت نظري
وسلمتي الغالية
صدقتي الغالية
بس بعد هالشي يرجع للبنت بصراحة انا صارت لي في بداية زواجي مشاكل وهاي المشاكل تصير في كل بيت وخاصة ويا العمه بسبب اشيا تافه واشيا جادة بس الوحدة لازم ما تكبر المواضيع تراهم حريم كبار فيبونا نكون على سنة ورمح خخخ
والام تراها تغار من حرمة الولد وخاصة إذا ماياها وانخش عند حرمته ياويلها خخخ اسميها بتحصل هزاب وهي ماتدري شو السالفة
وتسلميييييييييييييييييييييييييين الغلا
لا عمتيه اخت ابويه وهي انسانه الله يستر عليها ما اقدر اقول غير ان طبعها صعب وما حد يقدر يرضيها
وصبرت وايد بس مافي فايده صار لي من تزوجت 10 سنوات ونحن في كل فتره مشاكل وكلام يغث القلب وانا يا بنات الله يعلم فيني ما امدح نفسي بس الكل يشهد لي بحسن الاخلاق وماحد اشتكى مني حتى في بيت اهلي ما اذكر ان امي او ابوي نازعوني لان مالي صوت وغير جيه انا ولله الحمد مؤمنه وصابره والكل يقوللي زين منج انج متحمله للحين بس يا خواتي اخر مشكله بيني وبينها كبيره لدرجه انها غلطت علي في رمضان ماراعت حرمه هالشهر الفضيل سبتني انا وخواتي في العرض والشرف
وبناتي اتفاول عليهن بالشر غير الدعاوي شو اقول او شواكتب الله يشهد علي اني ماغلطت عليها ابدا كل مره هي اللي تفتعل المشاكل ولو تسالوني شو سبب اخر مشكله بتستغربون نازعتني وسبتني عشان خليت الخدامه اتروح اتنظف مع اختي بيتها تصورو هذا سبب عشان اتقوم الدنيا واتقعدها ما اقول غير حسبي الله ونعم الوكيل بس ياريت تعطوني رايكم في مشكلتي لانني خلاص ماصرت اسلم عليها نفرت منها وما اقدر اشوف ويهها عقب الكلام اللي سمعته منها خلاص احس صبري نفذ ولا تلوموني
على فكره انا مطلقه…والسبب اهل ريلي….مع انه امه هي اللي اختارني…بس واللها ن الكل يشهد لي بالطيبه
والصبر…وانا اللي كنت اقوله اسأل عن اهلك…وشوف امورهم…بس شسوي بعض الاهل مافيهم خيييييييييييييير
ابدا…وبالنهاااااااااايه اطلقنا…والحين يصيحووون كل مايشوفوني…اووووووونه نحن غلطنا في حقج..
بس خلالالاص ماينفع الصوووووت…فرقوا بيني وبين ريلي وعيالي…الله يسامحهم….
انا مب ندمااااااااااااانه ع الطلاق….بس انا كتبت الموضوع عسب اشوف وجهااات النظر..^^
هلا حبيبتي
كلامج صح 100 %
شو بس بنقول .. خلي اللي في القلب مستور