"الجزء الثاني" لغير المتزوجات اللي دخلوا عمر 30 وبس بليييز اللي أقل ما تدخل(للمواطنات

ولا تزعلون ما بنقطع التواصل إن شاءالله

http://forum.uaewomen.net/showthread.php?t=387829

أحب أشكر كل اللي شااااااااااااااااارك في موضوعي… وتفاعلكم إن دل دل على التكاتف مع بعض

والله يفرحنا بالجميييييييييييييع

بنات حبيت أناقش معاكم موضوع, أنا في تاريخ 12 يناير دخلت ال 30 أو يمكن ال31 بس مواليد 78 شكلي ولله الحمد أبدا ما ينبان علي إني جي الكل يتحراني 25 أو حتى 23 وحتى ويهي بيبي فيسBabu face المهم أسأل ليش وصلنا هذا العمر وبعدنا ما عرسنا ,, ما شاءالله الحمدالله نشتغل وراتبنا عاااالي ونسوق سيارة وجامعيات ومحجبات وملتزمات يعني ما علينا زود والحمدالله…
(طبعا ما أعم هذي الصفات يعني ما أرمس عن الكل)

أتسآل شووووووووووو هي الأسباب :

هل الشاب ما يريد يتزوج وحده من مكان شغله…. طبعا هاي عقلية محدودة ومتخلفة

هل يريد يلعب ويوم اتصارحه بالإرتباط يختفي… ليش

الصراحة انصدمت من حد عمره 32 وخطب بنت عمرها 22 يعني شو هذا المنطق وليش الأهل ما ينصحون أولادهم أو حتى نحن ما ننصح إخواننا…..

في حل إن بنت العشرين ما تستعيل ع الزواج وتقبل بواحد أكبر عنها بعشر سنوات عشان تعطي المجال ل بنت ال30 وتعطيها فرصة لأن بنت ال20 لاااااااااااااحقة عالزواج صح هذا العمر مطلوب من قبل الشباب الكبار لكن لو كل وحدة رفضت صدقوني هم بيختارون وحده في سنهم

يعني إحنا شو مصيرنا والعنوسة زااااااايده وخااااصة في مجتمع الإمارات والعمر يمضي واحنا مب حااااسين,,,,,

وأنا الصراحة ألوم البنات بعد,, اللي جدامهم كل هالبنات وعندهم ربيعات وما يفكرون يخطبونهم لأي حد من أهلهم أو حتى ينعتونهم للغير ليش هالأنانية وعدم حب الخير للغير وتكونين حقودة ساعدي واخطبي لغيرج الله بييسر أمرج….

جوفوا استوا في البيوت 3 أو 4 بنات فوق ال 25 وبعدهم ما عرسوا يعني أحسها قضية لالالالالالازم يتنبهون لها الشباب

على آخر زمن صرنا نقبل بالخطابة وصرنا نقبل بالمتزوج أو باللي أصغر منا بعشر سنوات…. وصارت عدنا تنازلات وااايده….حتى في قيمة المهر