كل وحدة عندها مشكلة لو كانت سخيفة مع زوجها .. تدخل
((ملاحظة: كتبت الموضوع بالعامية و بالعربية الفصحى .. مادري شو يسمون هالأسلوب خخخخ يعني مكس))
السلام عليكم و رحمة الله و بركاته
شحالكم؟ عساكم بخير؟
حياكم الله خواتي العزيزات .. بداية أحب أقول لكل بنت مب متزوجة حياج الله ويانا
لأن أرجو من هذا الموضوع الفايدة للجميع .. لأن اللي بتكون اليوم بنت باجر بتصير حرمة
و يهمنا إنها تستفيد من رمستنا اليوم..
بإختصار أنا لي فترة أتابع المواضيع و أشوف المشاكل اللي تصير في عش الزوجية
مشاكل تشيب الراس و تبهر العقول .. أنا عن نفسي أنصدم ببعض المشاكل و سوء الفهم اللي يصير بين الأزوج
إنتي يالزوجة لو عندج مشاكل مع زوجج و لو كانت بسيطة.. عندي الحل..
أول شي خلونا نفكر في الأساس.. و نترك الماضي كله ورا ظهورنا
الماضي كله وراااااااا.. و نبدا بالأساس..
هذي حياة زوجية.. يعني في أمور لازم تبدينها مع بداية حياتج تجنبج مشاكل و لو كانت سخيفة بالمستقبل.
1. كوني مبتسمة
دايما خليج مبتسمة.. خليج بشوشة.. لأن الريال يحب يشوف زوجته مبتسمة ع طول
يعني لما يكون متضايق في الدوام و يتذكر ويه زوجته بيستانس لأنه دوم بيتخيل زوجته بابتسامتها
بس عاد مب 24 ساعة شاقات الحلج.. لا خلوها بسمة رقيقة و هادية و حلوة و دلوعة.. وشوفي النتيجة.
2. قدمي تنازلات
تبين ترتاحين من كل الهموم و صدعة الراس و الحشرة و الضرابة و مشادات الكلام وي زوجج؟
إذا قدمي تنازلات..مثال:
لو هو مزعلنج ..تنازلي.. و بادري انتي و راضيه.
لو كان زوجج من النوع العنيد و ركب براسه فكرة غياظ فيج.. قدمي تنازل عن فكرتج و وافقي ع فكرته.
لو كان ريلج مزاجي.. يوم عصبي و يوم حنون و يوم يحبج يموت فيج و يوم يحس إنه مل منج.. قدمي تنازلات
و كوني له في كل يوم حسب مزاجه هو.. يعني حتى لو كان في يوم هو معصب و متضايج و انتي مستانسة
ع طول قدمي تنازل و تضايجي و خبريه إنج متضايجة لأنج شفتيه متضايج
و لو كان في يوم إنتي متضايجة و هو مستانس.. ع طول اجلبي المود و خليج انتي مستانسة
و قولي له في شي كان مزعلني بس و الله لما شفتك مستانس استانست
حاولي يا أختي المتزوجة الكريمة أن تتكرمي على زوجك بالتنازلات.. دوم تنازلي
كوني مضحية.. كوني متنازلة عن كل شي في سبيل ارضاء زوجج
و اللي بتقول أنا مستحيل أتنازل
بقول لها : محد بيتعب إلا أنتي يا حواء .. اما آدم ما يعير الأمور البسيطة اللي انتي مكترثه لها حق الإكتراث
أي ادني أهمية.. محد بيتعب غيرج.. بتفكرين و بتنهمين و بتييبن لعمرج الضغط والهم و المرض و في النهاية
زوجج الكاسب.. ريلج الرابح.. و هو المنتصر في كلا الحالتين
يعني تنازلي من البداية و ارضي بأي شي من طيب خاطرج لا ترضين غصبن عليج.
3. اعرفي مواطن الضعف في زوجك.
كل امرأة متزوجة ذكية لا بد أن تعرف أي هي نقاط الضعف في زوجها..
مثال:
1. العيال؟
2. الهدايا؟
3. انتي نفسج؟
4. الرومانسية؟
5. أهله؟
6. أهلج؟
متى ما عرفتي وين نقطه ضعف زوجج راح تملكينه.. نقطه ضعف الرجل هي سلاح فتاك في يد المرأة…
لكن يجب ان تعرفيها و تدرسيها زين زين عدل عدل…
و ممكن إنج تقاتلين زوجج بنقطه ضعفه.. لكن!!!
احذري .. احذري.. احذري
فإن لاحظ زوجج إنج اكتشفتي نقطه ضعفه.. رحتي فيها.. لأن هالشي بيحسسه بنوع من بداية الكراهية
الحذر مطلوب يا اخواتي لا تخلين زوجج يكتشف إنج عرفتي شو هي نقطة ضعفه
اللي بتقول لي كيف ما اخليه يعرف إن اكتشفت نقطة ضعفه؟
اقول لها:
مب في كل موقف تستخدمين سلاح نقطة الضعف.. خليه في الشهرين مرة فقط..
عسب ما يلاحظ الزوج تكرار استخدامج للسلاح و بعدها يكتشف هالشي.. راح يحس إن إنتي خدعتيه..!!
يمكن أنا طلعت برا الموضوع شوي لكن ما زلت في حدوده و عالقة في الإيطار
بإختصار.. إن كانت لديك مشاكل مع زوجك بسيطة جدا أو كبيرة جدا
قدمي تنازلات .. استخدمي سلاح نقطة الضعف الفتاك… و كوني دائما ً مبتسمة..
ما كتبت موضوعي هذا إلا حبا ً لكن..
و أخيرا ً يا بنات.. كتبت هالموضوع و لا أرجو منه سوى الفائدة و دعوة صالحة في ظهر الغيب…
و دمتم بود و أدام الله المحبة في قلوب ازواجكن و ازواج المؤمنات جميعا
و جلعكن الله تقتدين بأمهات المؤمنين رضي الله عنهن و أرضاهن..
و أتمنى لكن حياة ً زوجية ً سعيدة ً ملؤها المحبة و الوئام…
لو حبيتوا الموضوع انقلوه للمنتديات الأخرى
و دمتن بود
تسلمين يالغاليه على الموضوع الحلووووووووو
يزاج الله خير
تسلمين يا الغاليه على المووضوع المفييييد
الله يعطيج العافيه
^_^
تسلمين
كلام حلو
تسلمين يالغاليه على الموضوع الحلووووووووو
يزاج الله خير……………………
فعلا محد بيتعب غير حواء و إلا آدم ما يهتم بالامور الصغيرة…
والحمد الله على كل شي انا اساير زوجي في كل شي و ما اعاند وياه….
مشكووووووووووووووووووووووره يالغاليه على هالموضوع الرائع
وبطبقها ف المستقبل ان شاءالله 
وجزاج الله خيراً