ساعدوني ولدي أول يوم حضانة، وانهار من الصياح فيدوني بخبارتكم

السلام عليكم خواتي

أختي عادي كل العيال تصيح أول أسبوع لنه الجو غريب عليهم ويديد

لا تسحبيه خليه وايد يستفيد عن تجرية

نصيحه تمي خليه يداوم وحببيه فالحضانه
قوليله باجر بنسير نرسم وبنلعب ماتبا تلعب باللعبه الفلانيه؟؟
حلوووووووه اللعبه
شجعيه بكلامج ولا تبينين له من ويهج انج زعلانه ومضايقه يوم يصيح
اظحكي في ويهه وقوليله عاااااادي حبيبي بنلعب انا وانته ليش تصيح؟
وجي يعني

ذكرتيني ..
ولدي العام دخلته في الحضانه .. حضانة دوامنا وعمره كان سنة و5 شهور تقريبا .. والحضانة توها مفتتحينها .. يعني مافيها يهال .. ومافيها وايد اشياء ..
اول ما وديته عادي .. عقب ساعة ييت .. وشفته يصيح صيحه واحد منهد حيله من الصياح .. اول ما شفته جيه .. قلت شو سويتوا في ولدي .. ولدي يبا ينام ..
ولدي ماكل شي ولدي شو فيه .. قالوا اطلعي الله يرضى عليج .. خلينا انقوم ابشغلنا .. قلت ما اقدر والله .. وطلعت من مبنى الحضانه وصلت لمكتبي .. قمت اصيييييييييح
واصيح والبنات يهدوني هههههههههههههههههههههههههههههههههههههههههه.. هاليوم ما انساه طول عمري ..
تم فترة شوي طويلة لأن الحضانة توها يديده واحس ما عندهم خبرة ..
بس الحين مستانس ويحب الحضانه وااااااايد وعمر ولدي ماشالله الحين سنتين و5 شهور ..
ويتعلم ويتكلم ويلعب ومرح …
عن الأكل احاول قد ما اقدر ابدع .. وعلى فكرة اول الأيام يمكن ما ياكل لأن يشوفهم غرباء وجي ..
لكن بعد فترة بياكل ..
على فكرة انا حاطة موضوع عن اكل الطفل ي الحضانة وافكار حلوة .. استفيدي منها

http://forum.uaewomen.net/showthread.php?t=1199441
هذا موضوعي مالأكل .. ماستمريت لأني ما حسيت بالتفاعل

يا جميلة ياعسل

ويعطيج العافية
ومأجورة ان شاء الله على مشاركتنا الفائدة

جوهرة يا عمري مشكورة على ردج وحرصج

يارب من فضلك