الصراحة عندي سؤال وحبيت من الخوات انه يجاوبوني عليه علشان تعم الفايدة للجميع .
بغيت اعرف كم تعطون عيالكم مصروف للمدرسة وهل يكون مصروف يومي أو اسبوعي أو شهري وهذا طبعا للي أعمارهم 9 و11 و12 واذا عطيتوهم اتحطولهم بعد اكل ولا لأ لاني محتارة رغم ان احطلهم اكل يعني عصير وشبس و بسكوت وماي وشكليت واذا بغو سندويتش طبعا هذا مب دايما واحيانا اعطيهم مصروف مع هذا الاكل فشووووووووووووووووو راااااااااااايكم يالله شاركوني تراني اترياكم .
أيام ما كانوا عيال بالمدارس الحين كبروا كنت أعطيهم مصروف يومي غير السندوتشات والعصير سبحان الله
الأطفال يحبوا ذلك 000 وكل مرحلة لها مصروفها أكيد 0000
عني أنا أسير الكلية ألحين بأحيان المصروفي 25 بالأيام 10 دراهم
أنما عن إخواني 2 درهمين وذا بالكثير 3 دراهم في اليوم
أما عن الصغارية نحط لهم سندويش كاكاو مع عصير
بنتي الي في ال kg احط لها الأكل في الللانش بوكس
و اخوانها الي اكبر اعطيهم 10 دراهم مصروف يومي لأن مدرستهم فيها مطعم يبيع عليهم وجبات
هلا حبيبتي
بالنسبة لي انا احطلهم اكلهم كله في شنطة الاكل
احس ما يحتاي مصروف لانهم بيشترون السندويشات
البايته ::اكل البيت انظف و احسن بوايد
انا احط لهم فلوس في الشنطه في حال كان عندهم
طبق خير
أالحينه مدارس عيالي يبيعون أكلاات صحيه
وممنوع الحلويات والجوكلت ؤهالسوالف
اعطيهم مصروفهم يومياااا
عني الاولاد بهذه الاعمار اعطيهم مصروفهم15 درهم اول الاسبوع
وما شاء الله عليهم يجمعوه اذا عندهم مناسبه بالمدرسه استخدموا اللي مجمعينه
وبالنسبه للأكل اليومي ياخذوا سندويشات من البيت واذا يبغون عصير وفواكه أو حلويات كسنافر وتريمسوا أو حتى كيك يعني على حسب الخير الموجود