مرحلة قبل الانهيار

هلا خواتي … شحالكن !!!

خلاص وصلت لمرحة الانهيااااااااااااااااااااااار

يا امهات ساعدني احس بضيقة ابا استفيد من خبراتكن

عندي ولد عمرة سنتين وبنت رضيعة عمرها خمس شهور

ولدي فية نشاط مفرط ما حد يصدقني الا الي يشوف حالتي معاة !!!

وللاسف يعني من نقص كبير في صفايح الدم هالخلل يخلي تجلط الدم عندة منخفض جدا يعني من اي اصابة ينزف … وكل جسمة كدمات ويروح

وما شاء الله علية ما يسمع الكلام حبيبي احس عندة طاقة يبا يطلعها … والمشكلة اني ما اقدر احطة في الحضانة لانهم ما يتحملون مسؤلية اذا تعور ولا شي خصوصا انة عندة خلل في الصفايح …

يا بنات تعبت

ارد من الدوام تعبانة ابا اريح …. بس من ايي اجابل العيال لين الساعة 2 الفير وانش 5 ونص

احس عندي ابداع ابا اطلعة بس ما احس عندي وقت … ابا اهتم ف عمري وفي صحتي نفس قبل بس العيال ماخذين كل وقتي

لو كنتي مكاني شو بتسوين ؟؟ مع العلم اهلي واهل زوجي بعاد عن منطقة سكني

.
.
.

اتوكلي على الله وسجليه بحضآآآآنه فترة الصبح
وان شاااء الله مايصييبه شيء ويشغلووووونه ،،،،

ويوم اتردين من الدوآآآآآم وديه الالعآآآآآآب اذا عندج شغآآله خليها اتشووووفه
ويظهر كل طآقآآآآآته ،، ترى الكبت ويلسة البيت اتخليه يشآآغب اكثر ,,,

مثل سالفه بنت عندنا في العايله نفس المرض بس الحمدلله الحيين بخير

اذا وضعج المادي يسمح حطيه في بري كي جي في مدرسه محترمه مش حضانه لانهم يهتمون في اليهال وايد والمس مالهم تكون معاها في الكلاس دوم مساعده اغلب الاحيان تكون فلبينيه
اذا دخلتيه المدرسه بيشوف اليهال شو يسوون وبيتعلم اشياء يديه وبيفجر طاقته هناك

انا بنتي دخلتها وهي عمرها سنه و 4 شهور..هي من النوع الاكتف وايد وشفت انه حرام اخليها في البيت طول اليوم مع ان ابوها كان معارض بس انا خليتها لاني كنت اشوف فرحتها وهي رايحه المدرسه وفي اجازة الصيف اييها اكتئاب من اليلسه والملل من كثر ما تحب المدرسه

بالنسبة لهواياتج ماعليه اخريها شوي لين يصر عمره 3 او 4 هو بروحه بيهدا وبيعقل