ولد اختي والمعاناه

يوم الثلاثاء 19/5/ ربت أختي بعملية قيصرية ويابت ولد، ولان العملية تعب وتخدير تمت اختي يومين تعبانه والحليب اللي في صدرها شويه لان الدكاتره منعوا عنها السوائل والاكل. واختي عطت ولدها حليب بيبلاك .

ومن يومين الولد يتعصر وويه يحمر اظني ان يعاني من الغازات..

اتمنى من خواتي ان يساعدوني في ان شو احسن انواع الحليب وشو اعطيه للولد من اعشاب عشان يخفف عنه المغص لانه ما يرقد مول

اختكم أم حمد

خلي اختج تستشيــر الدكتوور احســن ،،

بس انا من رايي ترضعــه طبيعي احسن حتى لو ماشئ حليب ،، كل ماترضعه بيزيد الحليب عندها ان شاء الله ،،

اختيه العوده جي ،، عيااالها كلهـــم بقيصريه وكانت تعاني اول ايام عشان الحليب خاف بسبة العمليه وغيره ،، بس شوي شوي من تبدى ترضعه سبحان الله يزيد الحليب عندهاا ،،

واحيد اختيه كانت اول يوم او يومين تخلي النيرس تعطي الياهل سكر نبات اظني !! شئ جي لونه ابيض كانت النيرس تعطي الياهل شوي ف المستشفى منه يوم كان يصيح وايد ،،

ولا تنسى تخليه يتجشأ عقب كل رضعه ،، لأنه عادي هالغازات مسويه له مغص مسكين وهو بعده صغير !!

و ع سالفة الغازات اشتريلة من الصيدلية شاي البابونج وااااااااااااااااااايد زين و بينفعها حتى يوم يكبر

انا ولدي عمرة سبع شهور و لين اللحين اشرباا عسب الامساك