أكيد كل أم عندها ولد أو بنت بسن الاكتشافات العبقرية (من بداية ما يمشون وانت طالعة) مرت بهالمرحلة..
مشاغبة يتأذى فيها الطفل
بعطيكم بعض الأمثلة
بالنسبة لي أخطر شي الدرايش (النوافذ)
يوم أشوف اليهال جريبها ويحاول يطل (لاااااااااااااااااااااااااااااا)
ياما يهال راحو من هالحركة ..
الحل انج تحطين شبك..أو تتأكدين من أنها مقفوووووووله
لا تخلين مفاتيح الغرف في الباب من الداخل…عن يقفل على عمره الباب ومحد وياه..عاد ذيك الساعة ركض دوريلج نجار يكسر لج الباب..
أنا أعلق المفاتيح فوق عند كل باب
كيبلات الكهرباء حاولي تخفينهم ..ما شاء الله عليهم يحبون أي شي ممنوع
الحمامات عزكم الله لازم تتقفل خاصة إذا كنت حاطة فيهم الكلوركس والفلاش وغيره من السوالف الخطرة عليهم..عادي يدخلون ويغسلون الحمامات فيهم!!
أو يمكن لا سمح الله يزلقون إذا الأرضية مبلولة
في المطبخ بعديهم عن الفرن ولا تخلين المشروبات والأكلات الحارة على طرف الطاولة وإلا العواقب وخيمة
الطاولات الزجاج إلي تنحط في الصالة والميالس..بعد خطرة تحملوا يركبون فوقها ..لأنها تتكسر بكل سهولة
الأدوات الحادة السكاكين والمقاصة دسيها …عن تقصص البنت شعرها ولا تفر حد بالسكين
الأدوية خاصة الملونه..شيليها بعيييييييييييييييد عن عيونهم
[/COLOR][/SIZE]
وإلي عندها أي اضافة أو تحذير للأمهات ممكن تضيفها على الموضوع
ودعواتكم الله يحفظ عيالي من كل شر 
تسلمين أختي مجهود رائع
روووووووووووووووعه يزاج الله خير
جزاك الله خير اختي ع الموضوع الممتاز وربي يحفظ عيالنا وعيال المسلمين
من كل شر
تسلمون على الردود
ابي اضيف شيء كاسات الزجاج لاتتركينهم يمسكمونها
ويمشون عقب يطيح وتنكسر ويي فتات الزجاج بعيونهم لاسمح الله
ومشكوررررره معلومات مفيده
والله يحفظهم يارب