السلام عليكم خواتي…
حبيت اعرف منو منكم يعطي عياله فيتامينات أو فاتح شهيه؟؟ وشو احسن نوع ممكن نستخدمه لطفل عمره سنتيين؟؟
بنتي الله يحفظها ملعوزتني مووووول مطيع تاكل مب شرهه فالاكل بس تحب العصائر انزين كم بتم على هاي العصائر! مستويه شرات العصى وصفرا حييييييييل… والله تعبت كل وااحد يلومني "انتي ما تاكلينها وانتي حارمتنها ولي يعطيني دروس فالطبخ والله الله يعلم اشقد انا احاول واسويلها اكلات بس موول مب طايعه تتقبل" اليهال الي فالعائله كلهم بصحه مشاءالله الا هي>> تعبانه نفسيا 
انا روحي زايغه عليها بعد يون وعاتبوني ويزيغوني؟؟ :1 (36):
وديتها عند كذا طبيب محد سوالها شيء كله يقولون لي عادي اليهال معظمهم جيه اذا تبين وعشان ترتاحين عطيها من الفيتامينات الموجوده فالصيدليات…
يوم كانت صغيره كنت اعطيها فيتامينات وفاتح شهيه مع بعض 2X1 واايد زين بس الحين اعتقد ما يبيعونه واايد اسمه "أعتقد" MixVitas
الحين اعطيها CalVitalis واشوفه والله انه مب هاك الزود…فحبيت اعرف انتوا شو تعطون لعياكم وشو احسن نوع حسيتوا انه مفيد وياب نتيجه؟؟؟
أنا بصراحة ما أعطيهم شي واخليهم على راحتهم واكثر لهم من الفواكه والحليب
اختي العسل الطبيعي ممتاز واذا ما تاكله خلطيه مع الحليب يقوي الجسم والدم
ولا تنسي التمر فيه كل الفيتمينات بعد تقدرين تخلطيه مع الحليب بالخلاط
والله يعينك ويخليلك عيالك بصحه والف عافيه
صراحه انا سمعت عن الفواكه للاطفال تخفف من وزنه ….
والله جان زين لو تاكل تمر او عسل مووول ما تحب……….ما ادري شو اسوي
وين ما اسير لازم اسمع هاي الكلمتين بنتج صفراء وضعيفه
علعموم مشكوورين عالردود و ياريت اسمع منكم اكثر
اعرف دكتور شاطر من احسن الاطباء في ابو ظبي اذا تبين اسمه خبريني برسلك اياه على الخاص
المشاركة الأصلية كتبت بواسطة عطر الزهر 
السلام عليكم اختيه
طرشيلي رقم الدكتور اللي رمستي عنه لانه بنتي تعاني نفس مشكلتها ما تاكل شي