خواتي بنتي عمرها اربع سنوات ونص ، امس وانا اغسلها في الحمام (الله يعزكم) لاحظت وجود افرازات لونها اخضر في ملابسها الداخليه انا وايد استغربت المهم غسلتها ولبستها غيار نظيف وخليتها تقريبا ساعه ورجعت شفتها حصلت في افرازات مره ثانيه احترت الصراحه مب عارفه هذا شي عادي ولا فيها شي خواتي يا ريت تفيدوني شو رايكم اخذها حق دكتوره ولا شو اسوي
مرحبا اختي فطاير
اكيد تودينها للدكتور لانه ممكن يكون عندها التهابات في المسالك البولية او في مكان ثاني هذي امور ما ينسكت عنها والا انتي الوحيد اللي بيندم عقب لو صار شيء
ما احب اخوفج لكن اللي ما تعرفينه الافضل تسالين فيه اهل الخبرة والدكتور هنيه هووه الخبير
تحياتي
أم الذيب
اعرضيها عالدكتوره ….والله يطمنج عليها
مشكورين خواتي على الرد ، وانا كان عندي موعد في الكورنيش وسألت الدكتوره قالت تمي طالعيها لين ثلاثة ايام واذا ما راحت الافرازات وديها عند الدكتوره وان شاء الله مايكون في شي
الله يطمنج عليها
ولا تنسي خبرينا باللي يصير وياج عشان نحن نستفيد في المستقبل
تحياتي
أم الذيب
اختي ام الذيب مشكوره على اهتمامج ، وانا اليوم خذت بنتي عند الدكتوره وشافتها قالت لي عادي وعطتني كريم استخدمه مدة اسبوع وبعد الاسبوع اذا شفت هاي الافرازات اراجعها ، وخذت عينه منها وقالت بتسوي حقها زراعه وبتخبرني بعد يومين ، عموما قالت لي انه يمكن منتقله حقها فطريات او بكتيريا من حمام المدرسه وقالت خليها تشرب ماي وايد واول ما ترد من المدرسه اغسلها وابدلها
وقالت لا تخافين ان شاء الله ما في شي
ان شاء الله يا رب
بس اهم شيء تنتبهين اذا فعلا البنت نقلت الالتهاب من المدرسة لازم تنبهين ادارة المدرسة للموضوع وانه تشددين عليهم في نظافة الحمامات واللي انتقل لبنتج يمكن يكون من وحده كبيرة هب من ياهل مثلها
الله يجيرنا ويشفي بنتج اختي
تحياتي
أم الذيب