ولدي في صف 6 ومعاهم من صف 1 مشكلتي في هالمدرسة كثر الشكوي كل يوم متصلين ولدج ضرب ولد..او سب ..او ماسمع كلام المدرس ..يتكلم في الحصة …وغيرها
لاعت جبدي من كثر مالوم ولدي مع انه في البيت هادي ومحترم ويسمع الكلام احس من كثر مايشتكون منه صار يعاندهم وهم من طرفهم ماشي حل غير الاتصال لولي الامر
طيب وبعدين وين دور المدرس ؟
وين دور المدرسة ؟
واخصائي في المدرسة مافيه
مااعرف شو اسوي معاه ضرب ونضرب عقاب وتعاقب انا اقول حق زوجي ان هالمدرسة ماعندها غير هالاسلوب ويتصلون للكل مش بس لولدنا مش مصدقني
عشان جيه اتمنى اللي ولدها في هالمدرسة وعندها مثل مشكلتي تخبرني
ما عندي فكره
هلا اختي المدرسة اكيد طرشولكم كتاب القوانين في بداية السنة ومكتوب فيه انه
الضرب والشتم ممنوع، انا ولدي في كي جي 1 ضربه ولد ودوه الأخصائية ورجع
واعتذر لولدي. (يعني تفاجأت انهم اكتبو لي اعتذار وحسسوني انه الموضوع مهم بالنسبة لهم)
انتي حاولي تروحين للمدرسة وتتكلمين معاهم قوليلهم احساسج انه الولد في البيت
مؤدب وما يمد ايده ولا يسب! وقوليلهم انج تحسين انه يعاندهم او شي من هالقبيل
وقوليلهم خلونا نجرب نغير شوي التعامل معاه بشوف يتغير او لا!
وقبل ما تعاقبين ولدج على كلامهم انه ضرب او شي حاولي تفهمين وجهة نظر الولد
واسمعي منه الأسباب ترا يوم تناقشينه بيحسب حساب اكبر من انج تضربينه او تلومينه وبس!
وساعات إذا ولدج تصرفاته عفوية وما يهتم تلقين عادي انه مش هو اللي يبدا بس هو اللي دايم
ينصاد او هو ما يهتم بوجود المدرس ممكن الطلاب يستفزونه بتصرف بالخش وهو يرد عليهم
قدام المدرسين!!
حاولي تفهمين شخصيته كيف!
وصدقيني الضرب واللوم مش حل
النقاش واطلبي منه رد وتفسير.
للرفع