><

السلام عليكم و رحمة الله و بركاته
حبيت استفسر عن شي ما عليكم اماره
انا من اسبوعين تقريبا قعدت من نومي
و كان جسمي يتحرك مثل << دقات القلب لما تتحرك
جسمي نفس الشي كامل و اكثر شي راسي و رقبتي و ايدي حتى كنت الاحظ
اني يوم احط ايدي ع الفراش كانت تتحرك فإتجهت فالاتجاه الثانيونمت و الحمدالله حسيت انه خف شوي
و الحين من 4 ايام نفس الشي بس اخف بشوي فما اعرف شنهو السبب و ما اعرف اذا له تأثيرات
او بسبب مرض ….!!
فاللي مرت بمثل هالتجربه وتعالجت او تعرف معلومه تخرني و بشنو تنصحوني
للعلم انا عمري 18 !!
و السموووحه

بيكون عندج شي فالدم بس الا فضل حبيبتي تكشفين على عمرج ,,نحن ما انروم انشخص حالتج لأن بعض الاعرااض تتشابه فكذا مرض

الله يعافيج

انا يوم كان عندي نقص فيتامين ب12 جسمي كله نبضات بعدين الحالة اتطورت ضيق تنفس ودوخة وجفاف بالفم وشي لا يوصف وهذا صار لي لان فترة سنه كاملة ما كنت اكل لحوم ولا اي شي من منتجات الحيوانات..
سوي فحص شامل للدم بالاضافه الى ب12 وفوليك اسيد لانه اعراض نقصهم تتشابه.. ومن شدة النقص اللي كان عندي عطوني 14 ابرة ب12

مشكوره حبيبتي واثقة الخطى ومريم الشحي
وان شاء الله بحاول قد ما اقدر اسير المستشفى
اسوي فحص شامل
وان شاء الله خير

يمكن عندج الضغط

سلامات أختي افضل لج تطمين ع صحتج وتفحصين و ان شاء الله مايكون الا كل خير ..

ما اعرف الصراحة
ان شاء الله حد يفيدج الغلا