السلام عليكم خواتي شلونكم
انا دخلت التاسع والبارحه رحت الدكتورة وصراحه خوفتني قالتلي البيبي صغير لازم اكل كل ساعتين وجبة وانا الحمدلله اكل ووزني زاد 20 كيلو للحين ,, يعني في بداية حملي كانو يقولون لي لاتاكلين ولاتاكلين والحين تقولي اكلي البيبي صغير !! صراحه خوفتني
بليز من ربت والبيبي وزنة ماعدى الكيلوين ونص ؟ خايفة مايوصل ال3 كيلوات 
الله يريح بالكم ويرزق كل محرومة يارب بالذرية التامة الخلقة يارب من دون زيادة او نقصان
حبيبتي ماعليج منهم الدكاتره كل يوم بتسمعين منهم شي
على فكره هذا وزن غير دقيق للوزن الفعلي للبيبي
وبعدين توج داخله التاسع يعني عادي واايد اوكي 2ونص
وبتشوفين عقب اسبوع او اسبوعين ان شالله زايد وزن البيبي
وتعرفين ان الوزن المثالي للبيبي 3 كيلو عند الولاده (هذا اذا كانت بنت ) اما اذا ولد 3 وشوي
حتى بتلاقين جدول الوزن فالنت دوري عليه
وانا عن نفسي بنتي قبل ولادتي بعشر ايام كان وزنها 2ونص ويوم ربيت صار 3
لاتحاتين ولاتشغلين بالج
والله يسهل عليج
تسلمين حبيبتي رهفة الاحساس ريحتيني وايد كنت احاتي والله لبارح مانمت وحاطة فواكة جمب راسي كل مااصحى اكل والله قاعدة اكل قد مااقدر والله يسهل يارب ,, تسلمين عالمرور عيوني ^^
لا تخافين عادي البيبي يزيد كيلو في التاسع وفرضا انولد اقل من 3 اريحلج انتي ما بيتعبج في الولاده
الله يسهل عليج
انا ربيت بنتي وزنها كان اقل من 2 ونص والحمدالله مافيها الا العافيه يحبون يسولنا افلام فالمستشفى
وكانو يبون يولدوني بعد ع كيفهم توكلي علي الله والله بيسر امرج
لاتخآفين فالتآسع يزيييد الوزن فجآآآآآآآه
ربي يحفظلج الـ بيبي وتربين بالسلااااامه يارب وتفرحين بشوفته
يُنقل لقسم الحمل