ساعدوني عطوني حل انا يوم اتيني العادة 2يوم اتعب ووااايد وا ايديسني عوار فالبطن مب طبيعي والله يابنات اتم اصيح شرات اليهال وخاصة الفليل مول ماايني رقاد من الويع اتم شرات الكرة يعني ارقد وجني ساجدة وانا كل شهر من تيني اخذ ابرتين مسكوبان وبولتارين والله ما يخففون عني بس انا احاول اقنع عمري اونه بيخفف الويع لاني وايد اخاف من الويع وما اخلي حبوب ما ابلعها لاني خلاااااص مليت من هالويع شو الحل يا خواتي والله ظهري يعورني بعد يوم اتيني انا مستغربة ليش انا جي بس فالبيت امي واختي ما يستويبهن شرات مايستويني ولا اربيعاتي بعد000 يمكن انا الوحيدة فالعايلة جذى وانه توصل احيانا لدرجة انهم يركبون علي جلوكوز بغيت رايكن في هالموضوع شو الحل والا العلاج لا تقولون الجرفة لاني جربتها وووووبغيت اعرف اذا وحدة منكن يستويبها جي؟؟؟اتريا ردودكم
انا مب ياهل اذا العوار الي فيني عادي بستحمله برايه بس والله ماروم حتى شكلي يتغير اول يومين يبين علي تعبانة.gif "12 (8)")
في ناس جذيه
اختي نفس الشي بس الدكتوره اوراس عطتها حبوب على شان يخفف عليها شوي وايد زينات
الله يخفف عنج الويع أختي والله ما عندي فكرة أنا أتيني آلام طبيعية….بس حبيت أدعيلج إن الله يسهل عليج فترة الدورة ويعافيج من كل شر……..يوم اتحسين بالآلام خذيلج حمام دافيئ يمكن يخفف الويع…..
اختي انا كنت مثل حالتج ولا اصيح وكل اللي في البيت يدروبي واحس اني خلاص بموت
بس الحمدالله قالولي تمي شربي حليب مع حلبه كل يوم وملعقة عسل والحمد الله ودعت الألم الفضيع
والحين عادي اتي ويعها الحمدالله خفيف يعني اقدر استحمله
اختي ابدي من اليوم وشوفي وان شاءالله ما تشوفين شر
تسلمين حبيبتي ام عايشة والله يسمع منج انشاءالله وانتي ياريمي مشكورة عمرورج بس لو اتيبلي اسم الحبوب لاني اكيد مستعملتنهن 
قلتلكن ماخليت شئ ماخذته
المشاركة الأصلية كتبت بواسطة afari 
بس الحمدالله قالولي تمي شربي حليب مع حلبه كل يوم وملعقة عسل والحمد الله ودعت الألم الفضيع
والحين عادي اتي ويعها الحمدالله خفيف يعني اقدر استحمله
اختي ابدي من اليوم وشوفي وان شاءالله ما تشوفين شر
اختي يعني كل يوم اتم اشرب ولا ايام العادة؟؟ انفور الحلبة صح؟؟
اختي لازم قبل مااتيج الدوره باسبوع او 5 ايام تشربين جرفه مره فاليوم لين موعد الدوره…عالاقل بيخف عنج الويع شوي
انا جيه اسوي