يومياتي مع الرجيم وحبوب الفايتوشيب (اللي حابة تدخل وتعلق حياها الله)

بس من 4 أيام بديت آخذ حبوب الفايتوشيب..قريت الموضوع كامل في منتدى ثاني..والصراحة تخبلت..لين الحين نزلت كيلو..ووايد مستانسة..لأني ماشية في درب عشان أحافظ على صحتي..وانزل من وزني..فقررت إني اشرب القهوة وآخذ الحبوب وأخفف من أكلي (انا بديت في ها الشيء)..وابتدي امشي طبعاً لمدة 40 دقيقة في البداية..وبزيدها كل اسبوع 15 دقيقة..

جدولي اليومي كالآتي:

2 حبة من الفايتوشيب ودبة ماي (500 مل) قبل الريوق ب30 دقيقة..وبعدين أتريق اللي اباه بس أحاول إني ما آكل لحد التخمة..يعني بس لين ما أحس إني شبعت..

الغداء ساعات آكل وساعات لا لأني موول ما أحس باليوع..والعصر أكل تفاحة عشان الفيتامينات وعشان سلامة معدتي (عندي مشكلة ويا الإمساك)..والعشاء يا كوب حليب نص دسم محلى بسكر اصطناعي (Splenda) بس ها السكر مصنوع من سكر طبيعي يعني مب مثل سويت اند لو..او ساعات ما أتعشى..الصراحة ما أحس باليوع الحمدلله..

الأعراض مال الحبوب بدت تخف الحمدلله..في البداية كان الصداع مول مايتشاهد..وعوار في البطن إذا ثقلت في الأكل..ودوخة بسيطة..وأرق بسيط بعد..

بس الحمدلله شفت النتايج ووايد مستانسة..والأهم إني بديت أشرب ماي وايد وإن شاء الله بحاول أشرب 3 لتر (الحين 2 لتر بس)..بس عاد زيارة للحمام وايد…خخخخخ..

قررت اليوم آكل عيش على الغدا بس بحجم صحن كوب الجاهي..أو حتى أقل بس بكثر من السمج..وبعدين باخذ فيتامينات عشان شعري وبشرتي..وبعدين بشرب القهوة..عسى الحين يكون مفعولها أحسن..

تريوني باجر..للمزيد من الهذربان :22 (4): ..

أنا الحين بالدوام .. المسا بكتب لج جدولي مع الفايتوشيب ..