السلام عليكم حريم
انا اعرف انكن ما بتقصرن ويايه
انا عروس يديده (كملت شهر و شوي) ريلي مب عندي في دوره و بيرد بعد شهرين…
قلت بستشيركم لاني توني عروس يديده و ماعندي حد اتكلم وياه في هالامور. (بعدني اتعلم)
من كمن يوم احس بألم اسفل البطن و الظهر و الخصر و كثرة في التبول. انا قلت يمكن من الدوره لانه هاليومين موعدها. بس الالم غريب (ألم اجهاد و تعب) مب ألم الدوره العادي.
بخبركم نمط حياتي هالاسبوعين اللي طافو (يعني من رااح ريلي)
كنت اتحرك وااايد و اشل اشياء ثقيله بروحي و اغير اماكن الاثاث و جيه.
عمتيه اتخبلت يوم خبرتها و تمت اتقولي مب زين. بس انا شو اسوي من زمان متعوده اشل اشيا ثجيله.
الحين انا خايفه يكون صار شي لرحمي (بسم الله عليه)
اريد اسير دكتوره نسائيه بس بعدني ما رسيت على وحده (انا من بوظبي اصلا و الحين عايشه ف دبي)
الدوره موعدها الحين اخاف آخذ موعد مع دكتوره و تييني الدوره و ماروم افحص فقلت اتريا بعد الدوره احسن.
شو تنصحوني اسوي هالفتره عسب اخفف الالم؟؟؟ و شو ظنكم هالالم اللي جايسني؟؟
و هيه…. كنت بتخبركم. عادي اسوي رياضه و انا فيني الدوره؟؟ لانه عندي موعد مع مدربة رياضه يوم الثلاث وهو وقت الدوره…..فماعرف عادي اسوي رياضه مشي سيكل (مب ايروبيك) ولا لا؟؟؟؟؟؟؟؟؟
بليييييييييييز بنات لا تهملون موضوعي….مالي غيركم والله و ماريد اخبر امايه لانه بتم تحاتي و هي ف بوظبي 
روحي اكشفي مب زين تسوين رياضه وانتى عليج الدوره
المشاركة الأصلية كتبت بواسطة قطوة نوره 
مشكوووره اختي قطوة نوره….
اتريا باجي العضوات
للرفع (مب مستعيله بس الالم ذابحني…..)
ما عليه ما عليه…و انا اللي كنت معتمده عليكن
بتريا كم يوم لين ما تنزل الدوره بعدين بسير افحص عند دكتوره.
الغاليه يمكن تكونين حامل
هلا الغاليه .. المفروض انج من اتعرسين لازم ماتشلين شيء ثجيل .. حتي قبل لاتعرسين .. لانه اجسامنا ما تتحمل الاشياء الثجيله .. المهم يمكن الغاليه تكونين حامل .. وماله خص انه رحمج نازل .. ويمكن اتها دوره عاديه بس الهرمونات بعد العرس تلعب ملاعيبها .. وحتي لو نزلت الدوره روحي العياده وخليها تكشف عليج احسن لج عسب تتطمنين الغاليه .. والرياضه مافيها شيء بس هيدي علي عمرج .. شوي شوي مب كله مره وحده