يمكن الموضوع مكرر لكن بليييز دخلو وساعدووني

انا كنت في عرسي اول شي خلصت الاساسيات قبل العرس بشهرين او ثلاث شو هالاساسيات:

1. أول شي حجزت فستان العرس قبل العرس بشهرين…..
2. حجزنا القاعه قبل العرس بشهرين……
3. حجزنا الكوشه قبل العرس بشهرين…
4. حجزنا الماكيره وكوافيره قبل العرس بشهرين…..
5. حجزنا استديو التصوير قبل العرس بشهر…….
6. حجزنا صبابات القهوه قبل العرس بشهر…..
7. سوينا بطاقات الدعوه للمعازيم قبل العرس بشهر….
8. حجزنا فرقة الموسيقيه قبل العرس بشهرين…..
9. حجزت مسكة قبل العرس باسبوع…
10. فستان بليلة الحناء مع الذهب او اكسسوارتها…

شوفي هالتسع اشياء لازم تخلصينهم قبل العرس شهرين او ثلاث…..

وثاني شي الذهب طبعا لازم تاخذين من الحينه لانه كل يوم يزيد سعر الذهب يعني مثلا لو تبين تاخذين طقم ليوم العرس مع وطقم اخر للصباحيه واطقم صغار للبيت…..

والحين وقت الزهبه لازم تشترين وتخلصين الاغراض قبل العرس بشهر لانه بعده بتهتمين في بشرتج وجسمج فلا تضعين وقتج…

الحمدلله انا كنت مرتبه كل شي وخلصت كل اغراضي قبل العرس بشهر وحصلت وقت اهتم لبشرتي ولجسمي….

الزهبه شو لازم تاخذين:

1. تفصيل العبي وشيل…..
2. تفصيل مخاوير أو فساتين بسيطه وناعمه للزيارات ولطلعات..
3. تشترين قميص ليلة الدخله
4. تشترين قمصان نوم لازم تنوعين بين قصير وطويل وأطقم الملابس الداخليه وبيجامات…
5. نعول
6. شلح وصراويل
7. شنط
8. جلابيات للبيت
9. عطورات فرنسيه وعربيه
10. تنانير وقمصان
11. بناطلين مع البدي
12. كريمات الجسم مع لوشن الجسم مع شاورجل مع عطورات للجسم
13. المسك
14. ساعه ماركه ( يوم العرس)…
15. بوك
16. سوع على كل بدله….
17. نظارة شمسيه
18. سجادة الصلاه مع شيله…
19. اكسسوارات الشعر مثل (شباصات)…
20. الميك اب ( كريمات – فاونديشن – جلوسات – أرواج – بلاشر – اي شادو – اي لاينر – كونسيلر – بيس – قلم كحل – ماسكرا…… الخ او تاخذين صندوق تييج كل اشياء فيها….