يليز ضروري ردوا علي بخصوص بلاغات السب والقذف

اربيعتي قالت لي ادخل واسالكم لانها محتاجة للجواب بسرعه : –
في شخص طرش لها مسج فيه سب وقذف برسالة نصية على رقم موبايلها وهالشخص كان خطيبها وخلاص هي قررت ما تتزوجه وطرشت له مسج فيه اسباب رفضها قبل الملجه بيوم واحد كان فيه بس اسباب الرفض بدون اي سب ! وهي ردت عليه بعد مسجاته واتصالاته يبي يعرف شو السبب
اتفاجات بعدها طرش لها مسج كله سب وشتم ! ويتهمها بشرفها يعني كتب الفاظ مثل ( سباله – مغازلجيه . .الخ
هي اتفاجات وانقهرت في حياتها محد سبها جي الحين ايي هذا وعشان بس رفضته يسبها !
يوم الاحد انشالله هي رايحه تقدم بلاغ بس قبل ما تروح حابه تتاكد شو راح يصير هي اقل شي تبيهم يكتبونه تعهد ان ما يتعرض لها مره ثانيه ولا يسبها هل بيصير هالشي ولا لا وشو راح اتكون الاجراءات هي عندها المسج وعندها حتى كل المسجات الي كانت بينهم وشو كتبت له وهو شو رد عليها !
البنت من العين يعني بتقدم البلاغ في العين
حد عنده خلفيه بخصوص هالمواضيع وشو راح اتكون الاجراءات وكيف بياخذون لها حقها ؟ ؟ المسج فيه اهانه كبيره لها من جي تبي تشتكي

بوقعونه تعهد اقل شي.

يوقعونه تعهد واعتقد غرامه بعد

اهم شي انها مامسحت المسجات عشان يكون دليل

وتبلغ عليه يمكن تعهد او غرامه
وتخبر اهلها بعد يوقفون معاها

الغالية ماله داعي تفتح بلاغ
تخبر اهلها وهم بيتصرفون ،، واكيد هو انصدم لأنها غيرت رايها بليلة الملجة
وفي ناس ما يمسكون عمارهم من الصدمة
وخل تحطي في بالها بينكتب بالسيستم فلانة اشتكت ع فلان
صح هي مب غلطانه بس يكفي بملفها بكون في شكوى
وبنظري مب حلو ع موضوع ما يستاهل هالكثر
لأن الأهل هم اللي بيحلون الموضوع

الله يستر عليها وعلينا