السلام عليكم ورحمة الله وبركاته
اخباركم حريم وبنات
بغيت اتخبركم خوي عرسه بعد شهر الله يوفقه هو وعروسته ويسخرهم حق بعض امييين
تعرفون كل شي يكون للعروس والمعرس يحليله غترة وكندورة وبشته هههههه
بس ابا خبرتكم انتم تزهبون الريال يعني تزهبون اخوانكم من عطر من عود من مكينة حلاقة وشو احسن الة رجالية والخ يعني من الالف الى الياء وشو العطور الحلوة الي المفروض يشتريها ؟يسوي حمام مغربي مثلا وشو احسن مكان حق المعرس سواء بوظبي او في العين
يعني نحن نهتم برياييلنا عكس لما يكون معرس مااعرف فهمتو قصدي
اتمنى حد يفيدني ؟
لللللللللللللللللللرفع
اب اب
ان شاء الله البنات بيفدونج
والله يتمم زواجهم على خير وربي يسعدهم
انشا الله البنات بيفيدونج
اذكر جهزنا اخويه فديته عسب اتحس حرمته انه فاهم ….
خلي الكنادير و الغتر و الوزره و الفوانيل عليه هو ….. وحتى اشياءه الخاصه بس ما في مانع اتذكرينه من مكينة الحلاقه … و امواس .. الديوترنت و حتى الفرشاه و المعجون … لان الشباب ينسوون و يتورطون
ممكن تشتريله : البجايم سواء شورتات او براميد …. حد من الشباب يحب يلبس لبس كاجوال في البيت … لا تنسين الاندروير و عندج ماركات حلوه في دبنهامز شورتات للسباحه خاصه اذا بيسافرون لان اغلب الفنادق غيها احواض …. بعض الاحتياجات في بودي شوب عطور جسم و وليفه و صابون للويه .. فوده كبيره و صغيره لون متميز … عطورات و عود و دهن العود … شباشب للبيت ….نعله رجاليه 3 على الاقل … بزرم يديه لو مب ماركة ..
لبس السفر … كابات متنوعه ممكن يكشخ فيها حق اللبس …
شنط للسفر متوسطه و صغيره …. و لا تنسون اجهزونها بطريقه حوه و مخنه
ما اشجع الريال يسوي حمام مغربي … لكن الفيشل ممكن
احس اني مصختها ^_^
