يبن يتزوجن اليوم قبل بآجر تعآلوا نتنآقش

لا حول ولا قوة إلا بالله

غاليتي

كل انسان منا وله أحلامه الخاصـة

الي يحب يحققها اليوم قبل باجر

كطموح ورؤيا للمستقبـل

لإن بنظره هذي الأشياء بتسعده ^_^

وشخصيا ما أشوف من حقي اني أشل عنهم هذا الحلم ^^

الي تحلم انها تعرس ربي يسر لها وهذا حق من حقوقها

وما يمكن نتحكـم حتى في أفكار الناس أختي

دامها تفكر في شي بالحلال فهذا حقهـا ^_*

لكن الي أبغى أركز عليه حق الخوات الي رب العالمين بعده ما كتب لهن الزواج

ان ما يجعلون سعادتهم معتمدة على شي مب بيدهم في الحين

نعم الزواج حلو ويوم الأخت تتزوج تستانس

لكن دامها بعدها ما وصلت لهديك المرحلـة

فتحاول تركز على الأشياء الي بيدها

وتسعد باللي عندها ^_*

وتشكر رب العالمين لإن حياتنا كلها نعم

لكن مع العادة نتعود ونسسى

وصدقوني خواتي

وعد رب العالمين واضح لنا

وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ

الآيـة 7 من سورة إبراهيم

وسبحانـه كريم يجيب دعوة الداعي إذا دعى

أهـم شي خواتي ما تستبقون الأحداث

وعيشو حياتكـم بما يرضي الله

وجهزو نفسياتكم لتغيرات الحياة

وربي يرزق كل انسانة الشي الي تتمناه في خاطرها وفيه خير لها