يا عضوات سيدات الإمارات خبيرات المطبخ . تيملوا فيني ؟؟

بنات من كم شهر أحاول اتعلم اطبخ .. نادرا يصيب و يا كثر ما تخيب .. العيش و ما ادراك ما العيش .. ولله الحمد و المنه ضبط العيش الشيلاني الأبيض و يايه طبعا أشخلة في النهاية .. بس إذا كان مجبوس .. شو أسويبه ما ينشخل .. و انا ما اعرف أحط قياس ماي مضبوط حقه .. لين ينشف و جي ………. الله يخليكم هلب .. حالتي حاله انا ما اعرف وااايد اللهم خفيف خفيف ..

ووو بغيت طرق مضبوطه بالمقاييس المعروفه حق :
شاي كرك حلوو حلوو مره …
شاهي أحمر ..
شاي نعناع و زعتر .. و من هاي المشروبات الساخنة و الكستر بعد .. ( الكستر اللي يشربونه )

بليييييييز اللي تعرف و خبيرة و شاطرة تعلمني …

مساكم وررررررد وود ..

يزاكم الله خير مقدما..:1 (60): :1 (60): :1 (60):

وفي اخت حطتلي طريقة العيش .. وبحطلج اياها ..

(( حبيبتي العيش الأبيض مايباله شي

تفورين ماي وملح في جدر .. (( الملح حسب الرغبه طبعاً )) خاشوقتين أكل

وتيبين العيش .. على حسب الي فالبيت جيله والا جيلتين والا ثلاث ..

تغسلينه كم مره .. والا انج تودنينه فالماي…..

الين مايفور الماي الي فالجدر .. وعقب تجبين عن العيش المودّن الماي .. وتحطينه فالماي الي يفور فالجدر ..

وتخلينه يطبخ 10 دقايق بالكثير .. وتطعمين حبه من العيش تشوفينها جان استوت والا ..

لا تخلينه وايد علشان مايستوي شرات العرسيه وتتوهقين فيه خخخخخخخ

وترومين تحطين فيه مسمار وهال والي تحبينه والا الماجي الخاص بالعيش الأبيض .. تحصلينه فالجمعيه

تحطين مكعب واحد فالجدر وخلصنا

آخر شي تشخلينه وتردين تحطينه فالجدر .. وتصبين على الويه دهن ..

وتغطينه تخلينه يتسكر على نار هاديه جداً 5 دقايق وعقب تغرفينه وخلااااااااااااااص

بالهنا والشفا))

والباقي ماعرفله وبتابع موضوعج عسب اتعلم *__*

http://www.uaewomen.net/showthread.php?t=40706

__________________________________________________ ______

أما بخصوص العيش : في طريقة وااايد سهلة وخاصة اللي مايضبطون العيش ..
في جهاز ينحط مقدار العيش " طبعا إنتي إتكونين مغسلتنه ومودنتنه من قبل " وتصبين فوقه الماي : في هالجهاز حاطيلج الكميات ..
وهاي صورته :

.
أنا على فكرة أكثر إستخداماتي في هالجهاز …

لوليتا إن شاء الله و بأذن الله بيرب الكرك و الكشري و بقولج النتيجة ……. يزاج الله خير