يا أمهات بسكـــــم إهمال !!

أبا اعرف.. انتي يالأم.. يوم انج مب كفو تستوين أم
حق شو تييبين عيال؟
خلج جيه..! لانه الإهمال صاير أبدااااا مب طبيعي..!!
اليوم فيه ام كنت شوي و بضربها قسما بالله

الحرمة ياية و عندها ولد عمره 7 سنوات حلو؟
انا اقول مهماااا الولد فاهم و عاقل.. هو شو عرفه انا شو يالسه اقوله..!
تراني اشتغل صيدلانية
و احينه امهات ما يفهمون علينا وين هذا 7 سنين..!!!

و يالسه تهذرب ف التلفون
و مطرشة الولد ياخذ الادوية
سالته يا فلان وين ماما؟
قالي ترمس ف التلفون

قلتله نادها.. قال لا هي قالتلي اشل الادوية
قلتله ما عليك.. سير نادها انا برمسها
و طبعا يزقرها من هني لين باجر
بايدها تسوي حركة بعيد بعيد *يعني طاف بمعنى آخر*

قلت ف خاطري ما يخصني يا انها تتادب و اتي تاخذ ادوية ولدها
يا ماشي ادوية و خلها ادق راسها و تشتكي بعد
و اصلا ممنوع نعطي الادوية لاي ياهل حتى لو عمره 12 سنة..!!
و عقب 20 دقيقة تقريبا يايتني

ليش ما تعطينه الادوية عسب نروح
يعني فوق ماهي غلطانة.. يالسه تعصب بعد
قلتلها ممنوع و هذا قانون.. مب عايبنج ترومين تسيرين عند مسؤولنا فلان الفلاني
و قوليله الصيدلانية ما طاعت تعطي ولدي الادوية شوفي شو بيقولج

جان تقول اونه لا ولدي عود..!
أحينه 7 سنين صار عود..! من متى ان شاء الله..!!
و الله انها قهرتني و كنت بضربها
قلتلها اختي.. الولد ما بعطيه.. انتي امه و انتي اللي بتعطينه

احسها طفرت.. جان تقول انزين انزين من ورا خاطرها
و الله انقهرت منها قهر
و اقولكم شي نحن ما نشتغل عندكم
خلوا هالشي ف بالكم

نحن نشتغل عسب بلادنا و مب عسب محتايين
انقهر يوم اشوف واحد و لا وحدة يايبين وصفتهم
و 60 ساعة يرمسون ف التلفون
يعني هالكثر مهم ما ترومين تسكرون؟

احس هذا قلة ادب و قلة ذوق
و ابا اقول حق الامهات و حق الحريم
يوم انج مب قد تستوين ام الله يخليج لا تييبين عيال و تبهدلينهم
و يوم انج مب قد المسؤولية خلي المسوؤلية حق اللي يستاهلها

و السموحة

ملاحظة..!!
كلامي مفهوم و واضح و قصدت فئة معينة
ما يحتاي الكلام الوايد و التدقيق ف الكلام
و كملوا الجملة و لا ترمسون من راسكم