يالمتزوجات اتأكدن قبل ما تحكمن

.
.

توي أرمس ربيعتي وقالتلي سالفة صارت لها صراحة انقهرررررررت

ربيعتي طولي بعمركم متزوجة وحامل بالشهر السابع

المهم هيه زخت تلفونها تبا ادق حق ريلها المهم ضربت الارقام

واتصلت وهي مو منتبهه أول ما رد قالتله مرحب اقولك تعالي

بيت اهلي لأني بروح وسكرت لأن ربيعاتها صوبها ما عطته فرصة يرمس

المهم شوي ورد دقلها رقم غريب ما ردت رد اتصلوا ردت قالت الو

قالها ريال غريب هلا وسكرت بويهه ..

المهم لما ردت البيت مالهم نامت ولما قامت جافت رقم غريب غير

عن الاولى يتصل كم مرة ورد رن فونها وردت جان تستلمها حرمة

ويلست تسبها سب وكلمات قوية واتهمتها باخلاقها وجي ..

وربيعتي فاجة حلجة شو السالفة ما تدري

وتقولها اختي إنتي عن شو ترمسين شكلج مغلطة وهاييك تسبها

تدرون شو السالفة

ربيعتي لما كانت داقة حق ريلها مغلطة وداقة حق ريل هاي الحرمة

وهو لما رد اتصل سكرت بويهه لأن حرمته قالت له اتصل

وربيعتي سكرت بويهه على اساس إنه ريال غريب

وهاي الحرمة تتحرى ريلها يخونها مع ربيعتي وجي

يعني اتخيلوا بنات والله انقهرررررررت

.
.

إنتي يا متزوجة بعضكم طبعا بهالدرجة تشكين بريلج ؟

وين الثقة ؟؟

صح بعضهم يرمسون وجي بس لا تظلمين بنات الناس

يعني والله حرام ربيعتي تمت تصيح ..

وعقب طرش لها الريال هذاك رقم غريب وقالها

اسمحيلي الحرمة فاهمه الموضوع غلط وربي يحفظج

بليز اتأكدووووووا قبل ما تسوون أي شي

خاصة هالقسم متروس مواضيع ريلي يخوني وريلي يرمس

.
.

والله يستر علينا وعليكم

قولي حق ربيعتج لاتخلين عقلج ف عقلها ^^ حصل خير ، ماتدرين يمكن ربج كاتب هاشي خخخ عسب يفضح ريلها

وهاي الحرمة والله قهرتني واااااااايد عنبو اتأكدي

اوكي تمي اسبوع جوفي الرقم يرد اييه في مسجات

في كلام عقب ارمسي

بس الله يصلح بعض الحريم ما يتأكدون قبل ما يحكمون…

يخلون الافكار الشيطانيه تسيطر عليهم بسرررررعه…