ياحوااامل ويااامعرسااات شاركونا بتجاربكم .الوحاااام وما ادراكي ما الوحام .

دايمن نسمع قصص وسوالف عن الحرمه يوم تتوحم…ومرااات تتوحم على اشياء غريبه…يعني سمعت ان وحده اتوحمت على ريحة ريلها خخخخخخخخخخخخخ الله يعينه وحليله..:22 (4):

المهم حبيباتي كل وحده مرت في فتره الوحاااام تشاركنا..بشوو اتوحمتي؟؟ تعبتي فترة الوحااام؟؟ وكيف كانت ردة فعل ريلج؟؟:1 (66):

يالييييييييييت تشاركونا…(اتمنيت انا اول وحده اكتب لكم عن تجربتي عسب تتشجعون..بس بعدني ماحملت ويوم بحمل ان شا الله بكتب لكم):22 (12):

يالله نتريا…………..

وان شاء الله الله يرزقج الذريه الصالحه ويرزق كل محيايه ان شاء الله

وانا بقوولج عن تجربتيه عن الوحاام
اول حمل لي كنت متوحمه ع ريحة ريليه كنت ما ادنيه ايلس عدالي كل ما يلس انا اقووم وهو وحليله مستغرب يقوولي شوه فيج وانه يبا يسوولف يقوولي والله ما فيه اليرب هههههههه
بس الله ما كتبه يكمل الحمل وطيحت ورتاح ريلي وقالي اذا بتتوحمين عليه مره ثانيه لا تحملين وانا قلتها عيل بتوحم عليك نذاله

والحمل الثاني ما توحمت عليه توحم ع كناديريه كنت ما داني ريحتهن ولا البسهن وبعد ما ادني السبووح لو قلتيلي روحي اسبحي كنت بكرهج هههههههههههه وكنت امووووت ع شي اسمه فطيره
وبعد كنت ادني المكبووس والطماط والليمووووون والشخاخ .

وسلمتي ومشكوره مره ثانيه ع الموضوع

مشكوووووره حبيبتي جبرتي بخاطري ورديتي عليه..

اممممم يعني انتي طلعتي من اللي يتوحمن على ريحة ريايلهن….هههههه حرااااام غمضني ريلج وحليله…بس سالفة السبووح بصراحه غريبه هههههههههه استغربت واااايد يوم قريتها..الله يعينج الغاليه….

ان شا الله ربي يرزقني الذريه الصالحه مثل ماقلتي فديتج ويرزق كل محروووم ومحرووومه..

الصراحة انا يوم توحمت

توحمت فعلا على ريحة زوجي لكن مو ريحته هو

ريحة العود المبخر الللي يحطه و الحمد لله هو تفهم الموضوع و غير العطر

و توحمت على البطيخ و جبنة لافاش كيري و الباراتا بالبيض

هههههههههههههههههههههههههههههههههههههههههههههه

و توحمت على اهم شي النوم

أنا بعد لما حملت توحمت على ريحة ريلي كنت ما اداااااااني ريحته موووول
وكنت بعد اكره شي اسمه ماااااي سوا للسبوح او للشرب
حتى يتني فترة ترقدت في المستشفى لانه استوالي جفاف

وبعد كنت اكره معجون الاسنان.. بالغصب كنت افرش اسناني تلوع جبدي لا حسيت بطعم المعجون بحلجي :22 (12):

وتوحمت بعد على السمبوسه .. ومب اي سمبوسه.. سمبوسه كنت اخذها من كافتريا اللي بجنب جمعية العين التعاونيه اللي بالسوق اكيد بنات العين يعرفونها.. كنت دايمن اطرش ريلي اييبها لي
وعاادي كنت اكل من 10 -15 حبه بروحي …..

بس عاده عقب ما ربيت صرت ما ادااااااااني شي اسمه سمبوسه .. اكرهها لمجرد اني اشوفها جدامي

واتذكر مره كنا انا وريلي بالشارجة. واشتهيت اكل خبز رقاق بالبيض.. وكنت اسمع ان في مخبز ايراني يضبط هالخبز.. وانا وريلي ما نعرف وين مكانه..وماشي تمينا انا وريلي اندور عليه دواره
لين ما حصلناه….

والله فتره الحمل والوحام .. فترة حلوه لما نتذكرها