السلام عليكم ورحمة الله وبركاته
خواتي العزيزات …
ممكن تفيدوني وتخبروني وين اقدر الاقي القشطة اللي يستخدمونها في حشوة القطايف؟! قالولي في المحلات اللي تسوي كنافة بس سرت عند محلين وما لقيتها عندهم … ما يبيعون القشطة …
اتريا مساعدتكم ….
اختكم
حبيبتي انا امايه اتسويها روحها فالبيت
هي مقاديرها عاديه يعني حليب ، قشطة تاخذها من الجمعية ، ليمون عشان تتماسك
بس تطلع لذييييييييييييذه ، ما خذتنها من عند ربيعتها هي من فلسطين و لا سوريا اتوقع
بس مب متأكدة من المقادير ..
بسأل لج خالتيه ، لان امي فديتها مسافرة حالياً و الله يردها بالسلامة ان شاء الله 
..
برد عليج ^_^ .. و ان بطيت ذكرني ع الخاص فديتج ..
يامرحبا
الغالية تحصلينها في الحلاب الي في القرهود اذا انتي من دبي..
انا احط فيها جبنة كيري بعد تطلع واااااااااااااايد لذيذة …
كيري واحد حق 4 قطايف من الحجم الصغير ..
حبيبتي هذه القشطة طازجة ويبيعونها في رمضان بس مثلك عارفة نستهلك وايد حلويات في رمضان عن باقي الشهور
وهي تخترب بسرعة عشان هالشكل ما يجيبونها دايما بس ممكن تسوينها في البيت وهي سهلة تضعين مقدار من الحليب الفرش+قشطة من اي نوع تبين +سكر حسب الرغبة +لب الصمون او خبز البقسماط وتغلينهم على النار الى ان تتماسك/يعني بتستويلك قشطة كذابة انا اسويها احيانا يوم ما الاقي القشطة الفرش وعلى فكرة تحصلين
هذه القشطة في ابو ظبي عند حبيبة النابلسيةاو زهرة لبنان اوحلويات طرابلس في رمضان واحيانا يوم الخميس والجمعة في الايام العادية وممكن تطلبينها منهم قبل بوقت يمكن يحضرولك ياها وانشاء الله اكون افدتج
حشوة القشطة والجبن
المقادير :
– 2 علبة جبن البقرة الضحكة ( مثلث ) = 16 حبة
– 6 حبات جبن كيري
– 2/1 1 علبة قشطة التاج أو 2 علبة قشطة طازجة
الطريقة :
تخلط جميع المقادير جيداً وتحشى بها القطائف ..
تزين بالفستق وتسقى بالشيرة ثم تقدم ..
عوافي عليكم
البناات مابيقرصن ان شااء الله
ولاهنتي