آلســـلام عليكمـ و رحمتـــه آلله و بركاااااته ..
و الله تلعوزت و ريلي بدأ يتساااءل و مستغرب يقولي عياال الناس طوول الليل يظلون رااقدين اما ولدي لااا . .
ولدي تقريبا يمشي ف 11 شهر و لحد اللحين يقول وقت الليل يمكن 3 مرات و احيانا 2 و احيانا 1
و مبهذلنا فالرقاااد و ما ادري شو هي المشكله الاساسيه
يمكن مقصره ف أكله ؟ ما ادري مع اني اعطيه اكل و بنفس الوقت ارضعه طبيعي ؟
شو هي الحلول ؟
شو توقعاتكم سبب الحاله ؟
شو احسن المؤكولات فهالفتره خاصه وقت العشى حق ولدي ؟
شو نصايحكم ؟
عادي فديتج يمكن يوعان .. او يمكن انتي اتثقليله وجبه العشا فايقوم متضايج او يمكن يكون حران لاتثقليله اللبس وايد ..اعرف يهال وايد يقومون بالليل يرضعون واعمارهم فوق السنه ماشالله… ربي يخليلج ولدج انشالله
*
عادي فديتج معظم اليهال يقومون فليل
لا تخافي معظم الأطفال يأخذو وقت لينتظم نومهم حاولي تساوي له مساج قبل ينام دلكيه ايديه ورجليه وبطنه
ولدي كان جي وصار يرقد متواصل عقب ما فطمته وكان عمره سنه ونص
عادي بس يكمل سنه ونص بيصير اوكي "
عادي هالشي اكثر شي يسهرون فليل ورقاادهم كله بنهااار
ويبالهم لعمر سنتين لغايه مايترتب نظام رقادهم
وومكن يوعان او متضايق من الحافظ
بس حاولي تغيرين موعد راقده
يعني مثلا لاتخلينه يرقد وايد بنهار يكفيه ساعه او ساعه ونص
اخر حد قولي ساعتين لين ما يتغير نظامه ويتعب ويرقد مرتاح
انا كنت اسوي وياهم جيه يوم صغاار
والاحسن يتغير موعد الراقد بس شوي شوي لا تضغطين عليه وايد