مرحبا بالغاليات الامهات الحنونات الصبورات…………………. الخ 
غالياتي ولدي عمره ثلاث أسابيع تقريبا ووايد يصيح من الغازات… والله تعاييت شو أسويبه وديته المستشفى وعطوني دواء بس أحسه مافاد.. حاولت أعطيه بابونج بس ما طاع يرضع 
الله يخليكم إلس عندها حل حق الغازات في هذا العمر تسااااعدني وربي يوفقها ويحقق إلي في بالها آآآآآآآآآآآآآآآآآآآآآآميييين
أنا ولديه عمره أسبوعين
وكلهم نصحوني باليانسون
سخني ماي و عقب ما يغلي حطي فيه يانسون مع شوية شكر
وعقب برديله شوي وعطيه في الرضاعة
أنا ولديه وااايد أرتاح عليه
وعلى فكرة حتى للأم بعد الولاده عن الغازات وايد مفيد
نفس كلا الاخت اللي فوق ..
انا جربته ع بنتي .. اغلي ماي وعقب حطي يانسون .. وخليه يرضع منه..
ورقديه بين فتره وفتره ع بطنه ودقدقيه ومسحي ع ظهره بحركات دائريه..
والله يخليلج ولدج ^^ ..
اليانسون وايد زين
وانا عن نفسي اشرب بنتي جاي البيبي رضعه في اليوم عشان اتجنب الغازات
وانا بعد ولدي عمره اسبوع ومثل حالتكم بس اسويله ينسون وحبله ومثيبه اخلطهم وافور ماي و اصفي واحلي ببشكر وايد يرتاح عليه
الياانسوون
واقلبي النونو على بطنه بيحس براحه
http://forum.uaewomen.net/showthread.php?t=482697
وان شاءالله اتلاقين الحل ..
للتخلص من الغازات والامساك اللي يعاني منها الطفل ..
هاتي ( يانسون ، أوراق نعناع فرش ، ماي حاار + سكر نبات )
حطي كمية من اليانسون + ورقتين من النعناع الفرش فكوب عاادي وصبي عليهم ماي حار وحطي ملعقة صغيرة سكر نبات مطحون ..
اتريي عليه لي الماي ماا يستوي دافي بتحسين انه الماي استوى لونه اصفر وريحته لذيذة ..
وبعدين صفي الماي وحطيه فالمرضاعة وعطي الطفل ..
والسموحةة