اشحالكم خواتي ..
اللع يخليكم بغيت حد يساعدني ..
ولدي كمل 4 شهور لكن مشكلته انه ما يداني يمسك المرضاعه تلوع جبده منها .. عيزت منه والله ما تمت مرضاعه ما جربتها بس ماشي فايده ..
ساعات اعطيه الحليب بالابره لكنها عمليه متعبه ..
نصحوني شسوي .. والله تعبت ..
حبوبه غيري الحلمه تبعتها لنوع بيجون ميديوم
واعطي اياها الصبح لما يصحى بكون جوعان
الغالية من حلمة المرضعة مب من المرضعة نفسها في الحلمة شرات قصة الصد ما تكون طويلة عسب ما تلوع جبد و
انا اشتريهم من بيبي شوب اتيج صغيرة وجنها مفعوصة من 0 الى 6 شهور
والله انا صادفتني نفس المشكله بس كنت استعمل ملعقه او اشريه من فنيان وااه يخليلج ولدج
في دراسه تقول ان الولد لما يكون عند امه يشم ريحة حليب امه فعشان جيه يكون عنده امل ان امه بترضعه وما يرضى يمسك الرضاعه
فالاحسن انج تخلين احد ثاني يعطيه الرضاعه ويكون يوعان
والله يخليلج ولدج
"ميرال" هلا الغاليه جربت الطريقه مافي فايده ..
"ام عمير" هلا فديتج ادري انه من الحلمه وغيرت لاكثر من نوع بس نفس الشي .. اي ماركه انتي تطرين؟
"ام فطامي*" تسلمين يا قلبي ويخليلج عيالج لكن ابد مب عمليه الطريقه هذي وتاخذ وقت ..
"$ أم سعيد $" عند امي نفس القصه وعند البشكاره بعد والله تعبت منه ..
ساااااااااااااااااااااااااعدوني ..
والله انا نفس الشي الصراحة اعاني,,,,, بنتي عمرها سبع شهور ومب طايعة ترضع من المرضعة