السلام عليكن خواتي
مشكلتي ولدي مايرقد الليل كامل لازم ينش 4 مرات كل ليله عشان يرضع
انا ارضعه طبيعي بس قبل لا يرقد اعطيه مرضعه ويوم ينش فليل ارضعه طبيعي وهوه في النهار يرقد مرتين مره الظهر ومره المغرب
ماعرف شو اسويبه
نفس الحاله بنتي الاسبوع الياي بتكمل سنة ….
وطووول الليل تنش وترضع طبيعي….
اللي اعرفة انه حليب الصدر ما يكفيهم ….
بس حاولي قبل لا يرقد تسويلة مرضعة وحطي فيها سيريلاك يمكن تثقل جبده ويرقد….
اوه مشوارج طويل
من تجربتي يبدى نوم الطفل يترتب مع المدارس
حاولي ما ترقدينه المغرب عشان يواصل طووووول الليل..
انا ويا فطامي …
بنتي كانت شرات ولدج اتنام كل 3 او 4 ساعات بس انا غيرت جدولها من بدت تدخل السنه ..
وكانت اتنش الفير 2 او 3 مرات …
ماشاء الله .. اللهم صلي علي سيدنا محمد .. مافينا من العين ههههههه 
ههههههههه
فشو سويت .. فالبدايه
كنت اخليها اتنام و اتطول فرقادها الصبح يعني لو نشت من وقت اعطيها مرضعه وارقدها عندي عسب اتنام ومن اتنش اخليها تلعب وجي لين العصر ارقدها مره ثانيه حدها حدها لين 6 بس … لان لو مارقدت العصر بترقد 8 او 9 وبجي بتسهر الحلوه
ومن ايي الليل لين 1 بالكثير اتكون نايمه
وكانت اتنش كذا مره ومع مرور الوقت .. قامت اتقل نشاتها واللي لاحظته اني من بعد مافطمتها ماتنش الا الصبح الساعه 7 اعطيها مرضعه وتنام بس هالايام اتنش واتدق سوالف ماعرف شو تقول
بس الحين الحمدلله وضعها احسن ومريحتني …
نفس وضع ولدي
انا من فطمت ولدي ولله الحمد أعتدل رقاده ..
بس المشكله إذا رقد الظهر حتى لو ساعه ما يرقد الليل ألا حول الساعه 1 ولا 2 عشان شيه ما أخليه يرقد الظهر وشيه يرقد الساعه 8 والحمدالله من يرقد المغرب ما ينش ألا الصبح الساعه 9 ولا 10 ..