ورم ليفي في الصدر

بصراحه شي موضوع مخوفني وايد

قبل سنه ظهرت لي كسر (كيل) في الصدر الايمن
ما خليت مستشفى ما سرته وما خلين عيادات حكوميه وخاصه ما طبيتها,كلهم قالوا هاي اشياء عاديه وطبيعيه تستوي, ويوم سرت مستشغى زايد العسكري سولي اشعه تلفزيونيه, جان يقول الدكتور حرام انتي صغيره ما يستوي نسويلج عمليه ونشوه شكل الصدر.
توكلت على الله وقلت بسكت عنها مثل ما قالوا الدكاتره, مع العلم انه شي الم لو انضغط على الالياف
وطافت سنه, في تاريخ 11 سبتمبر كنت سايره عيادة البطيت على اساس اعالجموضوع الحموضه اللي فيني+ فلات فود+ فحص دم, سألني الدكتور لو اعاني من شي غير ها الاشياء قلت فشله ريال يكشف علي وجي واساسا كان عندي موعد تدريب سياره,عقبها سكت وما خبرتها, واول امس ردوا زقروني يعطوني النتايج طبعا نتيجة فحص الدم كان نقص في فيتامين (د), طبعا الدكتور ما كان نفسه,سألني الدكتور لو اعاني من شي, قلتله انه شي كمن كسره (كتله في الصدر الايمن قال بفحصج بعد ما فحصني زقر دكتوره جان تقول الدكتوره ها الورم الليفي نحن من متأكيد 50% انه حميد وال 50% نخاف منها انا تروعت, عقب قالي الوالده وياج قلتله هيه, قاللها بنتج لازم تسوي جراحه وتشكل الكسر باسرع وقت, تقريبا الجراحه لازم تكون ع الاسبوع الياي كأقصى حد ( فكرت في الابسنت مال الجامعه مخزنتهنعشان اخر الكورس P: ) المهم حولوني مستشفى خليفه وعطوني موعد يوم الاثنين بيكون تصوير تلفزيوني ّ+ بياخذون عينه من الكسره عن طريق ابرا S: والله متروعه

انا اللي اعرفه واللي قريته ان ها الورم ما ايي الا حق الحريم اللي اعمارهم بين ال 30 وال 50 وانا عمري 21
ادعولي بنات ان شاءالله يكون خير

ان شاء الله ما يكون شي ويكونون مخطين بس انتي توكلي على الله وكثري من الاستغفار

وان شاء الله ما فيج الا العافيه