السلام عليكم
مراحب خواتي علومكم
وكيف أيامكم
خلونا نسولف عن موضوع اشوي مضايقني وابغي حد يعيني
ويعطيني الحل
لاحظت بالفتره الاخيره ان المكيفات المركزيه سواء بيت عمي او بيت ابويه انها اجيها فترات اتنزل ماي داخل الغرفة وتعرفوا كيف يخرب اذا في زوالي او اثاث او غيره
أولا… كيف نقضي على هالمشكله
من صارت عنها هالمشكله وقضت عليها؟
ثانيا… أنا ان شاالله بنتقل بيتي بعد ما يخلص
وبما ان هالمشكله اشوفها جدام عيني كل فتره(مشكلة ماي المكيفات المركزيه)
فانا متخوفه اني اركب ورق جدران في الجدار الي بيتركب فيه المركزي اخاف الماي الي بينزل بيخرب ورق الجدران
حتى لما اخطط احط الاثاث اتلاشى اني احط اي قطعة اثاث جنب هالجدار اخافه يخرب
وبهالحاله ما بيكون عندي حرية بالتنسيق
وخاصه انا نفسي اركب ورق جدران
يعني اتخيلي هالطوفه لا اقدر احط مثل كبت ولا ورق جدران
كيف بيكون منظرها لوعه
بلييييييييييييييييييز عطوني حل
وينكم
لا تخافين حبيبتي
انا مركبة بصالتي الحين ورق جدران وبغرفة نومي
والمكيف مركزي وعادي جدااا..اختاري ماركة مكيف ممتاز وخذي مواصفاته!! لآن المكيف المركزي ما بيخترب الا في ه سبب حاله حال الغسالة او الثلاجة
وبقولج معلومة: لا تخلون الباب مفتوح والمكيف يشتغل لآنه مليون بالمية بيخترب..والغاز بيخلص بها الطريقة ..
انا اصلا ما أدش غرفتي الا وقت النوم
وباب الصالة اللي تحت مسكر على طول الا اذا بنروح مشوار برى البيت نفتحه لثواني وخلاص..
حتى لو بغيتي تسوين صبغ .لو نزل ماي على الصبغ بعد بيخترب وبيتنفخ عادي..فالصبغ والورق نفس الشئ..
والله يهنيج بالبيت اليديد 
هالله هالله يالترتيب السنع ،احب سوالف الديكور من اهتماماتي وايد
فديتج مشكوره
فعلا ما قصرتي
طبعا اذا البيت يديدو التركيب زين ما بيخترب بسرعة
لكن لازم تسوون صيانة مبين فترة و فترة
وو عندج شركة التكييف المركزي ميتسوبيشي اظنيه عندهم ضمان 10 او 15 سنة ممكن
فأهم شي تختارون الشركة الرائدة فهالمجااال
غير هذا ..!!!
أي مشكلة تشوفينها لازم تعالجينها فورا لا تتركينها تتطور لغااية ما تخرب لج ورق الجدران
او الجيبسينغ بورد …او الصبغ نفسه ..او تتطور و توصل للأثااااث
كوني حريصة و إهتمي فبيتج و ذلك بمعالجة المشكلة فورا
الحمدلله شجعتوني
علىالاقل عادي اركب ورق جدران
بس بعدي متخوفه
بيتي يديد واخاف يضيع عني بسبب هالمكيفات
وهالله هالله بالديكور والتنسيق
الله يجعله بيت عامر ان شاء الله