السلام عليكم
أنا وايد فرحانه عشان ريلي اشتغل صح ترك الكليه بس اشتغل وبعد مايكمل سنه بيرجع يدرس مره ثانيه
والله من بعد الله الفضل حق وحده من هذا المنتدا حطيت أدور شغل وهي قرت وطرشتلي رساله وتفاهمنا خاص وعقب عطتنا رقم ريال وأنا عطيت ريلي واتصل ريلي حقه وتفاهم معاه وقاله متا ماتحب مكانك موجود ريلي استانس وعقب هي اتصلت فينا وكلمتني وطلع الريال أخوها وراح ريلي العين الصبح عشان هاي البنت من العين وأنا قلت أي شي لازم يكون ريلي يسويه عن تطلع السالفه كذب عشان قالو وايد شباب فالمنتدا وكنت خايفه وما أمنا الا يوم ريلي سأل عنهم كان خايف عليه أول عقب توكلنا بعد ماعطانا أخوها كل معلومات وسأل ريلي عنهم طلعو ناس زينين وسار ريلي العين بروحه أنا ماسرت ولاقاه ريل البنت في مكان وسارو عقب حق اخوها وفهمه الشغل وتوظف ريلي خلاص ورجع عندي يلس يومين ولميت شنطه بسرعه واستسمح من أهلنا ورجع العين
عقب اسبوع لحقته وعزمونا في بيتهم وسلمت علي مثل تعرفني من زمان ويلست أنا وبنتي عندها وتعرفنا على بعض وطلع عندهم مكان مرتب يحطون فيه الظيوف بس اتفقنا ندفع أجاره بالشهر عشان قلنالها مانقدر نقعد معاكم بدون ماندفع ومسكينه أجرته حقنا بشي بسيط وايد معانه يسوا أكثر هو غرفتين وصاله كبيره وحمامين ومطبخ وألحين يبنون مدخل بروحه وهم مب من الناس الي يأجرون حق ناس ولا يبون أبدآ يأجرون بس حقنا بس عشان هم ارتاحو لنا بس أنا قلتلها إنه مصاريفنا علينا عشان ريلي مايشوف حد يصرف عليه ويكسل ومايشتغل ونرد حق نفس الحال ووافقو وكل يوم الصبح تزورني أو أنا ازورها ماتفارقني إلا قبل مايرجع ريلي من دوامه وبنتي تلعب مع عيالها عندها بنتين وولد وأنا مرتاحه واااايد معاها والله أحس انها صارت أختي وأكثر دومها تنصحني وريلها يعامل ريلي مثل أخوه حتا ريلي وايد مرتاح ويسيرون رباعه كل مكان وريلي أحسه تغير اسلوبه فالكلام تغير وايد فرق بينا وبينهم فالعمر وايد كبير بس ماحسينا بشي وايد مرتاحين وريلي بعد تعرف على خوانها في عمره وأمها طيبه وتخلي بنتي تزقرها يدوه الحين نحن في العين وريلي مرتاح في شغله بس يارب يستمر يارب مايتغير
نحن صدق مرتاحين معاهم ادعولنا وادعو حق البنت هذي وريلها وأخوها عشانهم شغلو ريلي وادعو حق ريلي ربي يهديه ويخليه جيه على طول وااااايد مرتاحه وااااايد حتا بنتي مرتاحه وماتصيح وايد والله مرتاحه ناس طيبين واااايد
الحمدالله أنه مشكلتج أنحلت والله يوفقج ريلج ويثبته والله يرزق إلي ساعدتج كل خييررر
الله يوققج الغالية وتستاهلين كل خير يا رب
والله يوفقج البنت الي ساعدتج ويرزقها على قد نيتها ان شاء الله امين
تستاهلون كل خير و الله يوفقها يارب
و يوفقكم
الحمدلله ان المشكلة انحلت.. والله لا يغير عليكم .. وبالتوفيق الغلا .. والله يسعدكم ويبعد عنكم الهم والحزن ..
^__^
حووور_دبي
الحمدلله رب العالمين على كل حال .. و تستاهلون كل خير ..
و يزاها الله كل خير الاخت الي ساعدتكم …. ( و الله يكثر من أمثالها )
تستاهلون كل خير و الله يوفقها يارب
و يوفقكم
والله يحل مشاكلنا جميعا ………….