بسم الله الرحمن الرحيم
السلام عليكم ورحمه الله وبركاته
اسمحولي بدخل في الموضوع على طول بدون مقدمات لان والله في وحده قهرتني وايد وكذبت عليه ابغي حد يساعدني هني من المنتدى
اونه وحده بدخل انا وياها شراكه وانا غبيه على لانياتي والله والله اني دخلتها بيتنا ورحبت فيها
انا هاي تعرفت عليها من المنتدى وقالت لي اونها عندها مشروع تجاري والله انا قالت اوكيه بساعدج فيه قالت هيه اريد نكون انا وانتي شراكه في المشروع وانا قالت خلاص انا موافقه
انا اعرف اسوي اشغال يدويه وفنانه لاني انا فتحت معرض من قبل واكنت اشارك في المدارس والصيفي في اعمالي
هاي الحرمه من دبي قالت اونها راح تساعدني اشترت الادوات وانا معدله الصناديق ومسويه شبصات اسوي اشياء وايد المهم انا عدلت خمس صناديق ومسويه شبصات والله تعبت من سويت شغلها
وانا اشتغل عليها وناخذ بنص الاربح قالت انا موافقه والله اني تعبت في شغل وسويت ياللي هيه تريد تبغيه
والله انها ما عطتني حقي زعلت والله من اتصل عليها ما ترد عليه هاي حرمه عوده وعندها بنات
قالت مستحيل تكذب عليه
وعطيتها الثقه
بس في يوم انا كانت مستغربه منها قالت تبا ترقد عندنا اسبوع انا هاي ما اعرفها وايد بس من طريق النت وكلمتها تلفون كيف هاي بترقد عندي اسبوع والله انا مستغربه ما قدرت اخبراهليه انها كانت تبغي تم عندنا اسبوع هاي اول مره وحده تصادفني شذا والله وانا اعتذرت
قالت انا ما اقدر وخبرتها تبغي اتم عندي اسبوع في البيت
اونه عشان شغل
قالت انا اعرف ا موب شرط تساعدني انا متعوده على الشغل
المهم خذت الغراض ياللي انا سويته والله تعبت
احينه من اتصل فيها والله ماترد عليه ابد مول
حلفت بالله اني ما اسمحها لو كذبت عليه
والله تعبتني وايد
وانا ابغي حج الشغل ياللي اشتغلته وياها ما ابغي اتعامل ويها
كيف اقدر اخذ حقي منها كيف اتصرف ويها المشكله ما ترد عليه ابد
عندكم حل يا اخواتي
وحتى ابويه يتخبر عن اربيعتيه شوه اخبار الشغل
والله موب قادره اقوله هاي ياللي عندي تكذب عليه حلفت بالله ما اسامحها حقي باخذه بس ابغيكم تساعدوني ويزاكم الله خير .
ساعدوني خواتي ادري انتوا ما راح تقدرون ويايه ….
لا حول ولا قوة إلا بالله العلي العظيـــم
غاليتـــي ,, صعب هذا الوقــــت تأمنين الناس 
لازم تحسنيــــن، الظن فيهم أكيـــــــــد ,, لكن مب لدرجـــة السذاجــة لإن رب العالميــن خلقنـــأ وميزنـــأ عن غيرنا بالعقـــل
وأكيد انتي ذكيـــة ومب محتاحة حد يخبرج هذا الشي ^_*
وعلى العموم اذا مافي شي رسمي امبينكم وأدلـــة صعب تاخذيـــن حقج منها
أنــا لو منـــج بتوكل على الله سبحانه وتعالــى وبسـامحهـــأ في نفسي ^_^
وخلها هي والرزق الحرام ,, كسبتج حسنـــأت أحسن لج من أي بيزات
والمـــرة الياية تاخذين حـــذرج أكثر غاليتي
وعسى أن تكرهوا شيئا وهو خير لكم
تجارب ونتعـــلم منها ^_^
حسبي الله ونعم الوكيل فيها والله امرها غريب هذي الحرمه الغاليه وكلي امرج لالله وهو بياخذ حقج عاجل غير اجل ارفعي ايدج لربج وهو بيتولا امرها يوم انصبت عليج طرشي لها مسج وكتبي فيه
حسبي الله ونعم الوكيل فيج وانا ماباخذ حقي بايدي لي رب ياخذ حقي منج ولاتفكرين اني بسامحج وربي يراويج في حد غالي عليج
وصدقيني ان كان فيها شي من الخوف من ربها بتتصل وبترد حقج وان كان قلبها ميت وكلي امرج لالله مالج غيره
الله يعوضج عوض الخير وديري بالج من الناس الغرب عنج تراه صار النصب فيه احتراف ومايخطر ع بالج الله يكفينا ويكفيكم شر النصابين عيال الحرام .
والله هالحرمه شكلها هب صاحيــه!!
الغاليــه،،
انا من رايي طرشيلها مسج انه تبيــن اغراضج
او حقج من اللي باعته
و اذا استهبلت عليــج قوليلها تراني ببلغ الشرطــة و هم بياخذون حقي
و اذا بعد ما ردت عليــج،، بلغي الشرطة عليها
و شوفي شو بيقولولج اتسوييـن
و الله يعيينــج على هالناس،،!
رددي
حسبي الله ونعم الوكيل
وعجبي على هالناس!!!!!!!!
لا تدعين عليها هذا آخر شي اتفكرين فيه…شو تبين أكثر من الحسنات الي ما تتعوض بكل فلوس الدنيا هاي…سامحيها والله يعوضج ان شاء الله…وكوني حذزة مره ثانية….وخلي كل شي يتسجل ع الورق أحسن شي…عشان ما يضيع حق حد..والسموحه
طرشي لها مسجات
والشرطة ما بتسوي شي ء لان ما عندج اي دليل عليها
فأحسن حل حاولي توصلين لبناتها اذا قدرتي ورمسيهم
بس لاتفكرين تروحين لها البيت خليها هي اللي تي عندج –ما تظمنين هالنوعية شو ممكن تسوي —
والله يعوض عليج
يكفيج قول حسبي الله ونعم الوكيل
وصدقيني ربي بيعوضج احسن عن اللي راح
ولازم في يوم بتسمعين خبر مب زين عنها