والله الدنيا ما فيها خير . قولولي شو اسوي؟؟؟

انا كانت لي صديقة من ايام الثانوية والله كانت اعز من اختي واهلي. سافرت كندا تدرس ويوم سافرت حسيت الدنيا ما فيها شي حلو وكنت مكتئبة وايييييد اتصلت عقب ما سافرت فامها اطمن عليها وقلتلها ابا ايميلها ضروري لانها سوت ايميل يديد قبل ما تسافر وامها قالت اكيد بتصل فيها وبخبرج مرت السنين وامها لاتصلت ولا ربيعتي… والله ثم والله ثم والله اني حافظة رقم بيتهم صم والله مب كاتبتنه فمكان من 7 سنوات …..وفرمضان ما ادري شو خلاني اتصل فبيتهم سبحان الله جني كنت حاسة انها موجودة اتصلت جان اترد والله انه جسمي قام يرتعش من الفرحة قلتلها انتي فلانه قالت نعم مين؟ قلت ما عليه غربة وجذي بتنسا صوتي معني والله عرفتها قلتلها انا فلانه قالت انا ييت من 4 ايام واستانسنا واذكرنا ايام المدرسة قلتلها انشالله اشوفج بعد ارمضان بعزمج بيتنا وقولو شو قالت قبل ما اتسكر التيلفون انشالله اشوفج فيوم من الايام والله انصدمت قلت ما عليه يمكن ما تقصد شي.
قلتلها هذا رقمي اليديد وايميلي اليديد وقلتلها شو رقمج؟ قالت مب حافضتنه بطرشه ايميل والله من يومكم ما اتصلت ولا طرشت ولا شي والله انصدمت جذي الغربة اتسوي فالناس اتنسيكم اعز احبابكم والله من 7 سنوات حافظة رقم بيتهم حفظ وهية حتى صوتي نسته وحتى رقمنا جنه بعد ظيعته مثل ما ضيعت صداقتنا بس ما اقول غير حسبي الله ونعم الوكيل انا ما كنت ابا منها شي بس كنت ابا اشوف صديقت عمري اللي عمرها ما زعلتني والله رسايلها كل ما اتضايق اقراهم بس اللحين احسها ماتت بنسبة لي والله الدنيا ما فيها خير. السموحة طولت عليكم بس واييييييد اتضايقت
قولولي شو اسوي اتصل فيها ولا انساها مثل ما نستني؟؟؟؟؟

اختيه ..
حد ينسى كم رقمه ؟!!!!!
او مب حافظنه ؟!!!
يعني ما اشوف اي منطق في هالكلام !!
ان شا الله خواتي بنات المنتدى بيفيدنج …
و تقبلي مروري و لو كان صغير وايد .. ^^ ..

صدمة يوم يتخل عنك أنسان تعزة

وربي يجمعك مع صديقتك على كل خير

في بدااية حبوووبة هذا حاال الدنيا شوبتقوليين
بس انا أقووولج كووني أحسن عنهاا وأسألي عنهاا لاتنسين العشـــرة بسهووولة
ونصيحتي لج حاولي اترووحين بيتهم واتسووين ليها مفجأه وتقعديين معااهاا يمكن هي متضاايجة من شي
ولاصااارليها مووقف او شي انتي اتصلي وشووفي شووبتقووول لج وربي يدوووم محبتكم يااارب

الله المستعاان00عزيزتي انتي متمسكه فيهاا وهي مااا اتصلت

الله ايسر امورج يااارب

اكيييييييييييد صديقتج عندها ظرووف اقوى

لا تسيفي ف رااسج هالكلااام ولا تشووهيه صوورتها اببببدا …. خليها حلوووه … الا تدوور الاياام … وتردووا سمن ع عسل