ارجو من كل ام تقرأ رسالتي ان تساعدني في حل مشكلتي .. مشكلتي مع ابني عمره ثلاث سنوات ونصف تقريبا ..طبعه عنيد وما يسمع الكلام اذا ابا منه شي مايسمعني من اول مره اتم اكرر عليه ومرات اضربه .. انا اتكلم في شي وهو يتكلم في شي ثاني.. من غير الاكل متعبني فيه وايد عشان ياكل وجبه يتم عليها ساعه والاحجه من مكان لمكان .. في نفس الوقت انا عندي طفل ثاني عمره سنه وشوي ومب قادره اعطيه حقه والسبه طفلي الاول اللي متعبني وماشاءالله عليه حركي وايد .. شو اسووووي؟
الله يعينج ما اردي لان ام جديده لرضيع
ان شاء الله الامهات يفيدونج
والله الغاليه أنا ولدي عمره 7سنوات وعنيد وايد مايسمع الكلام والله العظيم أني مرات أكسره من الضرب ومافي فايده ولي في رأسه بسويه وماقدرله ومرات ؟أذا بتضربينه يرد الضربه فيه أو في أبوه وايد تعبانه منه لدرجة أني أوقات أصيح من تصرفاته والله ماعرف شو أسوي وياه مفضحني في كل مكان ألي عندها حل الله يخليها لا تبخل علينا