السلام عليكم
كيف حالكم اعضاء المنتدى ان شاء الله بخير
في كثير من الاحيان اسمع من الي حوالي ان البنات مزعجااااااااااااااات وما عندهم سالفة ، كلامهم كله فاضي ، عن الموضة والمكياج والماركات وعن فلانة وعلانة
وسمعت في كثير من الاحيان في عيلتي ومن رجالها بالذات شكاوى لا تعد ولا تحصى فيهم زوجتي ما تعرف غير تنكد علي عيشتي ، تبيني اشتغل كل اليوم برة ولما ارجع البيت اسوي فيها واحد رومانسي واسالها عن كل صغيرة وكبيرة
وفيهم الي يقول ، زوجتي ما يعجبها العجب ولا الصيام برجب ، اقولها يمين تقولي شمال ، اقولها يسار تقولي يمين
المهم انها تلاقي سبة تخانقني عشانها
وفيهم الي يقول زوجتي حلوة ومثقفة ، موظفة وتسوي كل شي ، بس فيها عادة مو حلوة اول ما ادخل من الباب تلتقيني بالمشاكل ، شوف فلانة سوت ، شوف ولدك سوى وفلانة قالت ، حتى اكره ارجع البيت مبكر .
والشكاوي ما تخلص
طيب نجي للمهم هل فعلا النساء مزعجات ؟؟
يعني بعد ما يتحملون كل شي في هالحياة ، يتزوجون ويخلفون العيال ويربونهم ويشتغلون برة وداخل البيت ويقومون بواجباتهم الزوجية على قدر المستطاع ، وفي الاخير لما يشتكون يكونون مزعجااااااات وتصير شكواهم مجرد ازعاااج لا غير .
هل الشاب لما يخطب البنت ، وتكون عاجبته ويحبها غير لما تصير زوجته ، يعني في ايام الخطوبة اتصالاتها تكون حب ورومانسية ولما تكون زوجته وفي بيته اتصالاتها تكون ازعاج وقلق
لما تطلب الخطيبة بوكيه ورد وكلام حلو يكون الرد من عيوني
ولما تطلب الزوجة نفس الطلب يكون الرد هيييييييه فوقي ترى عيالك كبروا ما تشوفينهم ، احنا كبرنا على هالكلام
لا ويكونوا اولادهم اعمارهم بين السنتين والثلاث
يعني ابي اشوف اراءكم هل فعلا النساء مزعجات ام لا
ارجو منكم التفاعل والتواصل
__________________
وين تفاعلكم
مش كل الحريم حد مزعج وحد لا ..
أنا عن نفسي أكبر مزعجة
مب كل الحريم مزعجات بس للاسف الرياييل عندهم كل شي مزعج اذا اتناقشتي وياه في شي يقول مزعجه اذا اتصلتي فيه يقول مزعجه اذا سالتي وينك يعني انتي مزعجه
خخخخخخ
اعترف اني مزعجه )) الآعترآف بآلحق فضيله خخخ