اليوم ماشاء الله استوي موقف هو اللي خلاني أكتب الموضوع
الصبح أول ماوصلت مكتبي دش علينا الأوفيس بوي شايل بوكيه وورد يخبل بكل معني الكلمة
أنا و زميلتي استغربنا حق منو هذا خاصة أنه مرتب بطريقة كلها قلوب وفيه 100 وردة حمرة طبيعية بالتمام و الكمال.
.gif "12 (55)")
عطي البطاقة و ظرف مسكر حق ربيعي أول ما فتحته أشوف دموع نازلة علي خذها طبعا عرفتووو؟؟؟؟ المرسل منو…….؟؟؟
نعم :زوج ربيعني مطرش البوكيه و كاتب رسالة طويلة عريضة أنا طلعت من المكتب خليتها تاخذ راحتها و رديت بعد 15 دقيقة ألاقيها طايرة من الفرح و جهها منور.
سألتها بمزح هااااااا شو المناسبة , أنا علي طول قلتلها أكيد مزعلتنه و مطرش البوكي يراضيك
قالت : لا و الله بالعكس لا بينا زعل و لاشي تقولي الخميس ترس البيت ورد و اليوم أنت شايفة بعينك و كل مرة ماشاء الله عليه يفاجئني بأشياء غريبة و قمة في الرومانسية .
قلتلها ماشاء الله عليكم و الله يتمم عليكم بخير ويديم المحبة و الود بينكم.
أنا أستأذنتها أخبركم السالفة لأن كم من وحدة تتمني زوجها تشي , أغلبنا نتوقع أن الرياييل مامنهم فايدة ولا يعرفون شي أسمه رومنسية
برأيكم كيف نخلي الريال يستوي رومانسي و يقدر حرمته و يعطيها حقها لا ماديا بل رومانسيا .
وهل فعلا في زوجات يعانون شح أزواجهم و عدم معرفتهم بالرومنسية؟
تعتقدين إذا زوجك مسطل وماله في الرومانسية خير شر هل ها الشئ بيأثر عليك نفسيا و علي حياتك الزوجية ككل؟
وذمتم بألف خير
الله يديم السعاده بينهم
عقبالي يارب خخخخخخخخخخخخ
لا فديت ريلي في من الرومانسيه يعني اقدر اقول 90% واخر مره فاجئني بعطر ومغلف بغلاف راقي وحلو وكان ليله الجمعه واهداني اياه الصراحه ما كنت اتوقع لانه ما فيه مناسبه وكنت نفس اليوم شاله من عنده 2024 درهم حق الشوبيغ خخخ الله لا يرحمني منه
ماشاءالله عليهم
عقبال ريلي ان شاءالله…
برايي ما يخص الحرمه هي تخلي ريلها ولا الموضوع كل بطبيعة الريال في رياييل اوردي رومنسين عشان جي
ههههههههههههههههه
ماشاء الله احس ريلهاا من عالم الخيال
الله يسامحج بتخلى البنات كل وحده تزن على ريلهاا تبي ورد ^_^
شوفى يالغلا في نظرى أهم شي انه يحترمنى ويقدرنى ويحبنى من كل قلبه
أهم عندى من ورد العالم كله
هلا حبيبتي
يعتمد على طبيعة الرجل
في رياييل رومانسيين .. بس يعبرون بطريقتهم الخاصة ..
وكل واحد على حسب شخصيته
وصدقوني كل ريال فيه رومانسية .. بس مثل ما قلت كل واحد وطريقة شخصيته ^_^