هل تتحمين قراءة كتاب ممل؟!وكيف؟!

السلام عليكم ورحمة الله وبركاته

حلو وايد الموضوع
انزين اسمعي
في رواية خيالية اسمها رانماروا والسر الدفين
هي الرواية مضمونها حلو بس البايخ فيها هو شرح الكاتب الزياد للأحداث يعني بزياد اكثر من الحوار
و بعد ما يذكر من يتكلم يوم يحطي الحوار
والاسامي يابانية ما تنحفظ وصعبة
وفي شيء عجبني بس كثر منه فخرب على نفسه
هو انه يتكلم عن البطل وفجاة يقطع وينتقل لحوار بين ناس ثانيين
هي الرواية حلوة وانا صدق ابغي اخلصها بس يختي ما اقدر وايد شرح
فهديت وقت وبعدين قمت اطنش السرد واقرى عند الحوار بس
وبالنهاية فتحت الصفحة الاخيرة وعرفت النهاية
بس جد حسافة كان ودي اقراها بالكامل لو شل كل هالاخطاء لان الكاتب عند افكار وسرد حلو
الحمد الله انا اول من شارك

اما انا فعن نفسي
قريت رواية حلوة اسمها اريد ان اغازل مثلك
هي رواية عن ولد سوري يحب مسلمة رفضة الزواج به لانه مسيحي فاخذ يجادلها في الاسلام لين ما اسلم
الرواية حقيقة وحلوة حتى ذكاء البطل وايد حلو
بس الي ما عجبني ان الكاتب دخل قصة شخص ثاني فجاة واخذ اظن يرجع بين البطل الاول والثاني
وانا بطبيعتي ما احب رواية فيها كذا قصة
فوقفت فترة وخليت اختي تقراها وتقولي شو صار اخر شيء ما ادري بس ما بغيت اكملها احس خلاص الي قريته كافي
هي الرواية حلوة بس التنقلات ما تعجبني ما احب اكون مندمجة وفجاة حد يوقفني وينتقل لحد ثاني
فانا الصراحة انصحكم فيها….

مشكورات خواتي على الردود الحلوة

مثل المعاناة دوم يوم الطبيب يريد يخفف عنك يقول في كثير مثلك عندهم نفس المشكلة! شو بتستفيد مادري!بس يعني تخفيف

لا مابكمل قراءة كتاب ممل لان اكيد في شي غلط في اسلوب الكاتب او في زيادة وحشو
وبالتالي بتضايق وماراح استفيد
احلى شي لما تاخذين كتاب انتي حابة تتعلمين عنه وتقرين عن معلومات مفيدة
حتى لو كانت الكمية وايدة ومليتي لكن بتقسمين وقتج وبترجعين تقرينه
لانج قاعدة تستفيدين منه وفي شي عاجبنج صح ولا لاء…
مشكورة على الموضوع يا صديقة

لو ماعيبني مابكمل قرايته.. بس بقرا النهايه يمكن

يعيبني الكتاب أو القصه اللي تشدني وأكون مندمجه ومتأثره فيها

مشكورة اختي ماسة حساسة

اسفه اذا ضيعت وقت اي وحده فيكن بس حبيت اخذ رايكن