هلا بنات شخبالكن عسكن طيبات وكل عام وانتم بخير .. والله يتقبل منا ومنكم صالح الاعمال يارب العالمين . … بنات في عدى موضوع واريد بس استشاره منكن .. هل انا الى اسويه صح ولا لا .. طبعا كلنا نمر بهل المشاكل من الناس الى حولينا ,, عندى وحده من المعارف الي عندنا شخص مجبور اشوفه فى كل المناسبات مش صديقه .. يعنى عمتنا وحده اوووكيه صارت ضروف وااايد ومشاكل داخليه وخارجيه بنسبه لى من بسبب الكلام والقيل والقال والمهم .. هيه شخص ما يعرف الهدوء من غبائي صرت مثل حقل التجارب مره تعطي ويه ومره تكلمنى لين ما حطيت حد لهذا التعامل.. فتره بحكم التكنلوجيا صار فيه تلفونات ومحادثات ودخلت عندى في قروبات وانسحبت منها لانها فيها ماريد ادخل في دوامتها ..والحين انا ما اطرش لها اي رسايل ابدا واهييه اطرش بين فتره وفتره مش دوم ونحن نتلاقا بصدف بس ما اكلامها اكون رسميه معها .. بس تربيتى واسلوبي ما احب اخجل اي انسان او اجرحه بمعني احب اعطي ويه وااايد ويمكن هذا مب زين وااايد..فهيه لما اطرش لي اتلوم اقول ليش ما ابدا انا بس ارد واقول في نفسي هذا احسن لي ولها .. شو تنصحوني الي مافيه الخير بس انا في خاطري ما اريد احتك وااايد عنها عشان ما انطعن في ظهري .. وعندي احساس انها تعرف اني متغيره في اسوبي عندها والله اعلم …اتريا نصيحتكن
ربي يوفقج اختي
واستهدي بالله غاليتي
انتم أهل وحتى إذا حد ضرج عامليه بالخير ^^
ورب العالمين تراه فوق أختي ما يضيع أجر حد
وسبحان الله يمكن هي بدت تتغير
لا تسكرين الباب في وجهها 
..
عامليها باللتي هي أحسن
بدون لا تغصبين نفسج على شي
أحسني لها ولا تتحسسين وايد من مواقفها
والله يهدي الجميع
لا حول ولا قوة إلا بالله
الله المستعان اختي
سبحان الله وبحمده سبحان الله العظيم