السلام عليكم ورحمة الله وبركاته
في موضوع يدووور في بالي من زمان،،
العروس لازم في أول فترة تظهر جدام الناس بأفخم الملابس و الأطقم و لازم ريحتها دخون على بعد ميل.. طبعا الشيء هذا حلو،، عشان تحس انها عروس..
بصراحة أنا كنت ألبس أطقم سمبل لأن هذا استايلي.. وكنت ألبس اللي يعيبني (يعني ما لبست مغربية متروسة شغل…الخ) لبست جلابية كويتية فخمة،، , وطبعاالمكياج والتسريحة خفيفة في الصالون,,, كنت أبا أظهر بشخصيتي و ما بغيت أتصنع..
فسؤالي هو، العروس يوم تتعدل في الصباحية أو يوم اييونها الحريم ، تسوي هالشيء :
عشان نفسها؟
ولا عشان تراوي الناس (ترا هاا اأهل ريلي صارفين علي…الخ – بالأحرى خقة) ؟
أو عشان رضا الناس؟؟
يعني نحن في عائلتنا،، ماعندنا هالشيء.. انه لازم تلبسين وتتعدلين عشان الناس.. المهم تسوين اللي يعيبج دامنه مب غلط أو عيب..
أتمنى مايكون في كلام جارح في الردود.. وأعرف انه يعتمد على العادات والتقاليد…الخ
بس هالموضوع للنقاس عشان الكل يستفيد و يتعلم
أنا عن نفسي اتعدل حق عمري وأهم شي علشان ريلي الله يحفظه
عشانها فديتج عشانها ^^
واللبس مب محدد ، المهم تونس عمرها وتكشخ بما انها عروس
وشي طبيعي تكشخين لو قالولج بيزورونج ناس وجيه فمابالج بالعروس اللي بتكون ف قمة السعادة
الشي الطبيعي ان الناس لما يزورونج تتكشخين وتتعدلين ..
فما بالج العروس ؟؟؟ السالفة مب سالفة عادات وتقاليد .. عن نفسي انا ما تكشخت يوم الصباحية ومحد زارني لان علطول رحنا نتحوط خخخخخ في ارجاء الامارات لين ما سافرنا .. بس لو كان الناس بيزوروني فأكيد بتكشخ
السالفة ومافيها ان العروس تحب تتكشخ عشان تعبر عن فرحتها وحماسها انها انتقلت لمرحلة يديدة من حياتها
عشآن الكل )) خخخ
الصرآحه من وجهة نظري إنهآ لآزم تتكشخ عشآنهآ وعشآن ريلهآ وأهلهآ وأهل ريلهآ والنآس .. لآهنتي حبوووبه ..))
طبعا مب علشان الناس
كل وحدة وستايلها اهم شي ارضي نفسي وريلي فالشي الي البسه او الي قاعدة اسووويه
اذا ع الناس مايعجبهم العجب ولا الصيااام برجب
الغاليه شي طبيعي يوم حد يزورج تكشخين
وبالفعل ما بالج يوم انتي عروس
عن نفسي فالصباحيه كانت عنا حفله ف شي طبيعي بكشخ وبلبس احلى الاشيا لاني توني عروس
ابي احس بها الشي وغير جي عشان الناس ما ترمس وتقول بلاها مبهدله بعمرها وهي توها عروس
والايام الباقيه البس اشيا خفيفه حتى الاطقم خفيفه لان استايلي جي
يعني الوحده لازم تكشخ لنفسها لانها عروس وترتب نفسها اكثر عن قبل
ومب حلوه لنفسها انها تكون مبهدله عمرها ^-^