هل اخبر زوجته الاولى والا شو

بنات انا الزوجة الثانية وطبعا زوجة الاولى ما تدري بزواجنا لكن امه وابوه يدرون وهم ناس وايد زينين وهو عنده (6) اولاد من الزوجة الاولى وانا ماعندي صار لي سنة ونصف متزوجة والله ما رزقني بعد المهم اكتشفت ان زوجي يكلم وحدة في التليفون وهي طبعا مش زوجته كيف عرفت لانه يوم كان عندي دخلت عليه الغرفة فجأءة شفت يصاصر ويتكلم بصوت خافت وسكر التليفون وقالي انا عندي موضوع مع الزوجة الاولى وعطيني نصف ساعة وبعدين تعالي انا هني شكيت اصلا هو يتكلم مع زوجته جدامي وماعندي مشكلة وما اضن انه يتكلم مع اي وحدة فينا في التليفون اكثر من 10 دقايق طلعت من الغرفة وانا شاكة في الموضوع وشكي طلع في محله يوم رديت الغرفة قلتله حليت الموضوع مع ام العيال قالي اوكي ودخل الحمام وانا شيكت على فونه لقيت رقم غير رقم زوجته لأني اعرف رقمها اخذت الرقم ودقيت عقب من فوني لقيت صوت وحدة ناعمة وتتدلع بصوتها سويت نفسي اغلطانه في الرقم بس كنت حابة اتأكد وشكي طلع في محله يعني مب كفاية انه مب معطيني وقته ولااهتمام ولا حتى نفقة ولا بيت ولا مصروف وانا اصرف عليه فوق هذا ما بين في عينه يسير يتعرف على وحدة ويقضي كل وقته معاها ، ماعرف محتاره مادري شو اسوي هل اخبره باللي عرفته او اتصل على زوجته واخبرها بكل شئ عن زواجي والاعيبه مع بنات الناس ، ارررررررررررجوكم شورن علي شو اسو اتمنى اللي عندها كلام ايجابي ترد والا عندها تجريح انا مب ناقصة والله ان نفسيتي وايد تعبانه ما اعرف كيف اتصرف حاولت معاه بكل الطرق وهوكل مطنشني ولا يسأل عني ولا مسويلي سالفة ،،،،، دعواتكم لي .