او امهات او (الاثنان معا)
السالفه وما فيها بغيت اعرف آرائكم بخصوص هدايا المربيات والمواليد
انا كنت اقرا من فتره في كتاب لآداب الايتيكيت وعرفت انه الهديه للمربي يفضل ان تكون للام مب للطفل
فشو رايكم ؟؟
طبعا وحجم الهديه يرجع لقرب المربي ..اختج ..او من العايله..او صديقه
هل تودون مثلا شوكلت فقط؟؟؟
او الفلوس فقط ؟؟؟
او هديه متنوعه؟؟
اباكم تعطوني رايكم في كل ما كرته في الاعلى………
وشو احلى هديه شفتها ؟؟سواء كنت مربيه او شاله هديه لمربيه؟؟؟
وامممممممممم
بقولكن عن رايي بعد ما شوف ردودكن
شوفي اذا بتزورين وحده في المستشفى فيفضل انج تودييلها شوكليت او باقه ورد + هديه ..
اما اذا بتروحين لها البيت فمب لازم الشوكليت او الورد
اما بالنسبه للهديه
مثلا
انا بعضهم يابولي هديه لي وللبيبي
وبعضهم للبيبي بس
لو المولود
بنت الاغلبيه اييبون ذهب
اما لو ولد فيعطونهم فلوس .. وجي
هدية البيت غير عن هدية البيت يعني لو بسير حق وحدة المستشفى فلوس وكاكاو
بس لو فالبيت تكون هدية او ممكن احط الفلوس في حركة حلوة
وبصفة عامة احس الفلوس احس لانه اكييد بتكون مشترية كل شي فما تبا الاشيا اللي بشتريها
المشاركة الأصلية كتبت بواسطة حرم الياسي 
اما اذا بتروحين لها البيت فمب لازم الشوكليت او الورد
اما بالنسبه للهديه
مثلا
انا بعضهم يابولي هديه لي وللبيبي
وبعضهم للبيبي بس
لو المولود
بنت الاغلبيه اييبون ذهب
اما لو ولد فيعطونهم فلوس .. وجي
صح انا جي لاحظت يوم يب ولد 80%من الهدايا كانت فلوس(:
قايدة الغزلان (آآآمين يارب تضعفين (: )
عن نفسي ما احب اهدي فلوس الا لومضطره ما عنديي وقت امر واشتري هديه…
احب يكون عندي تكار من كل حد
يعني حتى لو شي بسيط مثلا هدية خالتي كانت كرسي هزاز حلو ويتحول سرير للبيبي
بس لين اليوم عندي من 4 سنين
وووووووو امممم بعد اختي كتبت قصيده لولدي يوم يبته لييين اليوم محتفظه فيهااا
وعندي تكار من كل حد احلى هديه خاتميين من صديقاتي كل ما البسهن يسالوني عنهم
أنا عن نفسي إذا سرت ازور المربيه فالمستشفى وادري ما بقدر ازورها البيت اودي باقة ورد وإلا شوكولاته و هديه حق البيبي,,و إذا سرت و برد اسير البيت فأودي بس باقه ورد و حلاوه و يوم اسير البيت اودي هديا حق البيبي و أخذ حق الأم بعد
وإذا كانت اللي مربيه تستويلي فأعطيها فلوس
بالنسبة لي.. يعتعمد شو متوفر .. اسير محلات معينه إذا حصلت الي اباه اخذه مع صينية حلاوة
واذا ما لقيت .. اشل فلوس