خواتي حبيت اشاركم بتجربتي مع رحلة الريجيم
انا جربت انواع وايد من الريجيم
1) الكيميائي .. الصراحه فادني بس يباله قوة تحمل عشان تصبرين .. بس بعد فتره رد وزني
2) الريجيم الطبيعي من عند الدكتوره .. رحت عند لينا وعند كوزموسيرج .. نزلت فالبدايه بس ماقدر اتم اكل دوم هالأكل
3) الريجيم اللي مع حبوب من نيوترشن ومكه .. يسد عن الييييوع بس منتخلينهن تاكليين كأنج ما شفتي اكل .. هو زين كبدايه حق اللي وايد متان
4) رجيم البيض ورجيم الفواكه ورجيم الشوربه أنواع وايد ماقدر اذكرها بس كلها ماتفيد لان ما فيها المكونات اللي جسمج يحتاجها وعقب ما تخلصين تردين تاكلين عادي وتمتنين
طبعا كنت اسوي رياضه واضعف شوي ويوقف وزني وأمل ورد اكل
انا قعدت أفكر وأفكر وأفكر لين متى بسوي ريجيم اكيد عقب ما أخلص تراني برد اكل من الأكل العادي جني ما سويت شي .. ادري بتقولون لازم اتحافضين بس مانسوي هالشي واستنتجت انه فيه اشياء لازم تستمر في حياتي عشان احافظ على رشاقتي
1) لاااااااازم رياضه لو نص ساعه فاليوم
2) حد ينظملي الأكل بالسعرات اللي أحتاجها
3) حد يتابعني وشجعني
4) حد يسويلي الأكل لأني مب متفيجه أشتري الأكل وأشرح للي بيطبخلي كل يوم
عشان اسوي هالأشياء الأربعه
أول شي أشتركت في النادي
ثانيا أشتركت عند Slim n Light اكيد تعرفونه
هم اللي يقدرون يلبون الأشياء الباقيه .. اللي ما تعرف بتقول كيف؟؟؟
عندهم دكتورتين تاخذين موعد عندهن تقعد معاج تعرف اسلوب حياتج ووقتج وتنصحج على اساسهم .. تاخذ وزنج طولج قياسات جسم والدهون اللي في جسمج .. وعقب تعطيج جدول الأكل لأسبوعين تختارين منه اللي يعيبج.. ودلينهم بيتج.. وطرشولج يوميا box فيه وجبة العشا لنفس اليوم ووجبتين ريووق وغدا اليوم الثاني مع حبة فواكه وكيك وحليب .. تحطين ال box فالثلاجه و تسخنين الوجبه قبل الأكل. بتسألووني مب الأكل بايت ؟؟؟ لااااااا طعمه وايد حلو
عقب الأسبوعين تروحين عشان تاخذ القياسات مره ثانيه والأشتراك شهر وعقب اتجددين اذا تبين.
وايد بنات جربوه وضعفوا انا انصدمت يوم شفتهن .. الحلو في اكلهم ما تنحرمين من اي شي يحطولج عيش ودياي وبطاطا وسندويجات و chocolate cake بس الكميات اللي تلعب دور .. بعد فتره انتي بتعرفين كيف االكميات حتى لو كلتي من البيت حطي نفس الكميه اللي يحطولج اياها.
ووزنج ينزل بطريقه طبيعيه .. انا الحين فالأسبوع الثاني وعندي موعد يوم السبت وبخبركم شو بيصير..
السموحه طولت عليكم
أختكم
أغلا أموسه
يله عيل سيري ونحن من وراج
السلام يا أغلا أموسه
بصراحة فكرت كم مرة اروح اشوف دكتورة عشان تتابعني و تشجعني ..الخ بس هادي أول مرة أسمع بدكتور يحضرلك الأكل !
لا تستعجبون إذا قلتلكم إني ما بعرف Slim n Light ممكن تقوليلي وين موقع عيادتهم ؟؟ و ثمن الإشتراك من فضلك ؟
وعليج السلام مي..
هيه slim n light يطرشولج الوجبات كل يوم يعني مايعورج راسج جهز الاكل ولا لا .. ولا تفكرين اذا خلص عنج شي ولازم تروحين الجمعيه
وعندج يوم فالأسبوع free day تاكلين اللي في خاطرج
موقعهم الله يسلمج عند مستشفى الخليج للتشخيص بالضبط تدخلين اللفه جنج رايحه المستشفى بتلقين مبنى على اليسار هذا هوslim n light ورقمهم 026664391 لازم اتسوين موعد
روحي والله يوفقج ونتظمي بتحصلين نتيجه بأذن الله
أختج
أغلا أموسه
الغالية تعرفين اذا عندهم فرع في دبي؟
بالتوفيق ان شاء الله
كم سعرهم بالشهر؟؟؟
انا كنت اسير لايفلي…سعرهم بالشهر 3200 اذا القائمة العاديه ……..والمميزه 3800
بس اكلهم ما كان يعجبني ….والصراحه ما جددت معاهم وغير هذا كنت اطلع وايد وما يصير آخذ الاكل وياي وين بيسخنون أكلي لووووووول …وكان الاكل يتكود عندي بالثلاجه