السلام عليكم خواتي
قرب موعد ولادتي وما بقدر اتم عند اهلي فترة الاربعين بسبب دراسة العيال
معناته باتنفس ببيتي عند ريلي وامي فديتها ما بتروم اتم معي لاني اخواني صغار ما يتحملون غيابها
ما اعرف كيف اتصرف تدرون بالنفاس ريح الادوية والنفسية السيئة و دواماتهم (ريلي والعيال) واهله والخ… ما ادري احس اني باتعب وايد وباعرف ارتاح مثل يوم كنت عند اهلي بالاربعين قبل .gif "12 (17)")
الخوات الي يقضون الاربعين عند رياييلهم كيف يتصرفون ؟
مع العلم عند خدامة وبيت بروحي الحمدلله
يا ليت تشاركوني بخبراتكم خواتي
.gif "12 (61)")
انا نفس الشي
^^
ياريت الخوات يفيدنا
ياقلبي اليهال رووحهم همم ووالدراسه فوقها غم الله يسااعدج
ماعندج حد من الاهل ايي يسااعدج يشوفون عندج العيال ع الاقل ؟
انا بجر وفوق كل هذا نفاسي في بيتي عند ريلي وما رحت بيت اهلي لظروف ما
ونفس الشيء الوالده ما تقدر اتيني كل يوم عشان اخواني صغار
اتخيلي اول بيبي وما اعرف شيء بس الحمد لله امشيه اموري
الى في موضوع الاكل مرات ما اكل غير وجبه وحده ما عندي حد يطبخلي وانا ما اقدر انزل المطبخ واطبخ
وفوق كل هذ انا مسويه عمليه
وفوق هذا كله ولدي فيه غازات في بطنه
يعني طووووووووووووووول الليل سهر
والله اني ما انام الى نوم متقطع
بصراحه جد تعب … انا الحين يالسه اكتب وفي نفس الوقت شاله البيبي في حضني
ما اقول غير ربي يعيني
الله يعينكم ويفرجها عليكم
الله يسهل علينا أن شاء أالله كلنا
أكيد وأيدات إلي يتنفسن عند رياييلهن
بلليز أبي نصايح و خبرات يا خواتي
ذا أطفالج كلهم في المدرسة خلي الخدامة تنتبه عليهم وتشوف إحتياجاتهم في البيت وفي الدراسة خلي أبوهم يساعدهم وإنتي جابلي نفسج والبيبي وتحملي الوجع 10 أيام ويختفي..
أما إذا عندج عيال صغار عن المدرسة خليهم عند أمج والكبار خلي الخدامة تشوف أمورهم لين الله ييسر عليج وتخلص الأربعين..