نصايح للبنات اليديدات على الرياضه

قريت موضوع قبل شوي .. و حسيت انه لازم انشر المعلومات الي عندي عسب الكل يستفيد ان شاء الله …

اللي توها داشه الجيم او تفكر انها بتدخل تقرا يمكن تستفيد .. عشان ما تتكسرون و لا تسوون تمارين بدال ما تضعفكم تعرضكم …

انا دومي في الجيم ..ما اقطع الا فترات و ارد و الحمدلله وايد يبين على جسمي ….. و بعطيكم افكار انا تعلمتها بالخبرة و الممارسه .. و طبعا من المدربين

[LIST][*]اهم شي لأي رياضه انج تبدينها بالتدريج .. يعني مثلا على جهاز المشي تمشين اول شي سرعه بطيئه لمدة دقيقتين .. و كل خمس دقايق تزيدين .. و عقب كل ما بتين تخلصين تنقصين لين تنتهين تكونين نفس الي بديتي فيه .. يعني نفس الU-shape بس بالمجلوب ..

[*]و اذا انتي توج داشه النادي .. تمي على الاقل الاسبوعين الأولين بس على اجهزة الحرق .. يعني مشي .. سيكل .. ركض .. مووووول لا تسويين الحديد .. مول .. لأنه هالاجهزة بتبنيلج عضلات و بتشوفين انه وزنج زاد بدل ما ينقص و بالتالي بيحبطج هالشي … ابدي هالتمارين في الاسبوع الثاني او الثالث …. و طبعا بالتدريج .. يعني احنا كبنات ما نحتاج وزن 30 و فوق .. يعني حطي 5 كيلو او 10 .. بس زيدي التكرار … يعني مثلا 100 مره … …

[*]اشربي وايد ماي اذا تمشين او تسوين رياضات الحرق .. لكن لو كنتي تسويين ايروبكس و تمارين سويديه حاول انه الماي يكون قليل ..و طبعا درجة حرارة بدرجة حرارة الغرفه … مب تشربين ماي بارد .. عقب بتيج دوخه … و الأكل .. حاولي انه بين اخر وجبه و وقت الرياضه اقل شي ساعتين .. لنه اذا كلتي و سرتي تمرنتي بتبنين عضلات و بيزيد وزنج .. يعني هالاسلوب زين حق البنات الي يبون يمتنون … كلي و العبي رياضه و شوفي كيف بيزيد وزنج … و طبعا نفس الشي عقب التمرين .. يعني على الاقل ساعتين عقب الرياضه .. احيد انا كنت العب رياضه و من اخلص امر سب وي و اخذلي سيزر سالاد مالهم … و طبعا الوزن ثابت ما اضعف و السر اني اتمرن و اكل و هالشي اكبر غلط مهما كان الاكل سلطه او اي شي تراه اكل ..[/LIST]

و اتمنى من الجميع الاستفاده ……….. ^____________^