السلام عليكم ورحمة الله وبركاته
اخواتي نداء عاجل جداجداجدا
شخصين كبار…اوروبا ويمكن زيلامسي لمدة 4-5 ايام فقط…احتاج مساعدة في كل شي …كل شي
اسماء فنادق ممتازة…اسماء اماكن نسير لها…وبعد زيلامسي لشهر العسل زين ولا لا؟؟ في نص شهر سبعه…
يرجى الرد الي تبا دعوة في ظهر الغيب ان شاء الله بالستر والصحة العافية والتوفيق
انا برتب الرحلة كاملة وبتكون مفاجأة لريلي..يعني بجهز كل شي وبقوله بنسير المطار نييب الشغاله…وبعدين بركبه الطياره…اريد ارتب كل شي…طيران…فنادق…امكان الزيارة…سيارة الاجار…كل شي من الالف الى الياء
يا ليت حد يقدر يساعدني علما ان تاريخ الرحلة ان شاء الله بيكون 15 او 16 / 7 يعني باقي من الزمن اقل من عشر ايام…حد يقدر يساعد؟؟؟؟؟
فندق جراند افضل فندق و موقعه ممتاز يطل على البحيره…
تقدرين تسيرين كابرون فيها ثلوج و هيه قريبه من زيلامسي
4 ليالى مده ممتازه اذا بتسيرين المناطق المجاوره لزيلامسي
للعلم زيلامسي منطقه صغيره بس جوها وايد حلو ..
تسلمين حبيبتي على سرعة الرد …زين ممكن تفاصيل اكثر…يعني تخيلي انج انتي الي بتسيرين…شو خط الرحلة…بالتفصيل الممل…هذي اول رحلة لي…يعني بحجز الفندق…والطيران..زين وبعدين شو اسوي؟؟؟
انتى تبين تسيرين كذا منطقه و الا بس زيلامسي و كم يوم بتمين هناك؟
4-5 ايام مدة الرحلة كاملة…يعني زيلامسي يسدها 4 ايام..ولا بتكون ملل؟؟ زين في زيلامسي شو نسوي هناك؟؟؟ بس نتمشى على البحيرة؟؟
الحين بدور حجز طيران وبشوف فندق جراند بعد…
ما بتكون ملل .. تقدرين تسيرين التيلفريك .. و تتمشين في السوق و البحريه تركيب القارب و في مطاعم و كوفيهات..و نحن بعد ركبنا قطار يحوطج عالمنطقه..
الفندق ممكن ينضم رحلات لسالسبورج او لكابرون تسيرين و تردين في نفس اليوم
هذا اللى اعرف و اسمحيلنا عالقصور..