السلام عليكم بنات..
الله يسلمكم من أسبوع خذت عني الدكتورة عينة من تحت الله يعزكم..
عبارة عن مسحة عنق الرحم للحامل بالشهر التاسع..
وطلعت النتيجة وجود بكتيريا نوع B.
اسمها Beta B streptococcal
ولما سويت بحث طلع انها احتمال تأثر ع البيبي عند الولادة؟ وأنا خايفة من هالشي؟
اللي طلعت عندها شرات هالبكتيريا أو تعرف شي عن الموضوع؟ ياريت تفيدني..
مع العلم إني سويتها في مستشفى خاص وماعطتني أي دواء..
وقالت لي سيري المستشفى الحكومي اللي تراجعين فيه ورويهم النتيجة..
ومع العلم إني سويته في المستشفى الحكومي قبل كم يوم بعد.. بس مادقو لي عسب النتيجة..
ياريت تفيدوني بنات..
ويعطيكم العافيىة
هلا اختي
انا الدكتوره سوتلي هالمسحه و قالت اذا شي بكتيريا بنعطيج المضاد وقت الولاده ، يعني الحين ما يحتاي لها علاج بس وقت الولاده بتاخذين المضاد ….
الله يقومج بالسلامه الغاليه
يعني عندج التهاب الحين والا شو بالضبط
انا سويت هالمسحه ف مستشفى حكومي والصراحه ما قالولي شي ما عطوني النتيجه
وفالحمل الثاني ما سوولي أصلا
بس وقت الولاده قالولي عندج التهابات تحت بس الحمدلله ولدت والبيبي كانت سليمه ولله الحمد
بنتي كنت جيه وربيت ولحمدلله سليمه أتخيل خياطه والتهابات وااااو الله يستر لمهم انا طال عمرج رحت صيدلية واشتريت تحاميل كانستل واستخدمتهم 5ايام لأنها خفيفه ولحمدلله قبل ماربي راحت مني بس انتي سأل دكتوره ولاتخافين كلامهم يعور الرأس بس هم يقولون يمكن وعليج بشرب الماء وااااايد
السلام عليكم ورحمة الله وبركاته
قبل لا اربي باسبوع اسبوعين سويت هالمسحة .. وعطتني تحاميل
والحمد لله ربيت سهولة وما واجهت مشاكل
حبيبتي انا بعد عندي هالبكتيريا هي ما تأذيك تأذي البيبي لاسمح الله وقت الولاده في حال ما اخذتي مضاد ولكن هم بيعطونك مضاد قبل ما تولدي لازم اقل شي اربع ساعات و ما عليج ولا على البيبي شر
انا بعد سويت بس ما اتصلوا لي بخصوص النتيجه
بس قريت فالنت شرات ما قالوا الخوات ان ما يأثر عالام بس يمكن يأثر عالجنين وقت الولادة عشان جي يعطونج مضاد وقت الولادة فقط يعني ما يباله علاج مسبق