السلام عليكم ورحمة الله
خواتي البارحه كان عندي موعد في توام وسولي تخطيط وتصوير
اول قالولي البيبي اصغر باسبوعين وبعدين قالوا يمكن لخبطه في الحساب
مش هنيه المشكله لانه من التصوير نموه وحركته وكل شي طبيعي
لكن في التخطيط يقطع تخطيط القلب ويطلع صوت غريب
يني 5 دكتورات والممرضات في قسم الولاده ولا
وحده فاهمه شو هذا اللي يطلع في التخطيط
انا اقولهم توني اول اسبوع في الثامن والبيبي صغير
ويتحرك وايد ماينفع التخطيط مايثبت
عقب دكتورة قسم الاجنه صورت قلب الجنين وقالت
تكوينه طبيعي بس في اضطراب في القلب
مش مستمر احيانا ينبض زين وايانا يكون سريع
تعبوني الصراحه
افكر اطنشهم ولا اراجع لين ايني الطلق
لانه لو البيبي فيه شي مابيقدرون يسون شي وهو في بطني بس يخوفوني
ويتعبوني من كثر التصوير والمراجعات
شو رايكن خواتي شو لازم اسوي ؟؟
اختي المراجعة لمصلحة البيبي ولج ..وان شاء الله ماعليكم شر…
ما عرف والله
بس انشالله خير
للرفع
هلا حبيبتي أول شي إن شاءالله مافيج إلا العافية وإنشاءالله الجنين يكون بخير ومافيه شر
أنتي قلتي ما يقدرون يسوون لي شي لذلك وكلي امرج لرب العالمين.
وخطأ أكبر خطأ انج تطنشين وما تراجعين بالأخص انه فيه شك انه الجنين مب بخير
على العكس لو حسو انه في خطر عالجنين ممكن يولدونج قبل الموعد، ممكن يعطونج تعليمات
معينه تسوينها وممكن يطمنونج بأنه الجنين بخير ومافيه اي شي!
وأنتي عشان تكونين مرتاحه روحي مستشفى ثاني دشي عادي انج تطمنين عالبيبي
ولا تقولين شي وشوفي هل بيلاحظون انه في شي؟
المشاركة الأصلية كتبت بواسطة حساسه 
أنتي قلتي ما يقدرون يسوون لي شي لذلك وكلي امرج لرب العالمين.
وخطأ أكبر خطأ انج تطنشين وما تراجعين بالأخص انه فيه شك انه الجنين مب بخير
على العكس لو حسو انه في خطر عالجنين ممكن يولدونج قبل الموعد، ممكن يعطونج تعليمات
معينه تسوينها وممكن يطمنونج بأنه الجنين بخير ومافيه اي شي!
وأنتي عشان تكونين مرتاحه روحي مستشفى ثاني دشي عادي انج تطمنين عالبيبي
ولا تقولين شي وشوفي هل بيلاحظون انه في شي؟
كلام أختــــي صحيح 100%
الله يعينج أختي. أنصحج تروحين مستشفى الكورنيش في أبوظبي و لا مشتشفى راشد في دبي لأنه أحياناً في مثل هالحالات ضروري تاخذين أكثر من راي طبي و الله أعلم و الله يوفقج إنت و النونو أختي و عسى ما شر.