هلا خواتي,,,
رجعت لكم من جديدلكن ما ابي احط موضوع يخص مشاكلي مع الزوج..
مشاكلنا ما بتخلص,,
ابي بس اخذ نصايح من الخوات عشان ابني حياة زوجية مسالمة,, بعيد عن النكد والشك والغيرة والخيانة,,
انا حاليا ما اثق بزوجي نهائيا!!! نهائيا!!!!
حابة نصايح كيف الزوجة تتعايش مع زوجها الخاين وترجع الثقة بزوجها مرة ثانية؟؟؟؟
نصايح تساعدني استرجع الثقة بزوجي اللي خلاص مالها وجود….
تراني مليت وابي اغير من شخصيتي عشان ارتاح.. والا جان عن ريلي ترا هو عايش حياته
وانا اللي بالعه الظيم وساكته,, ما اقول غير حسبي الله على بنات الحرام..
بس نصايح ترجع ثقتي بزوجي.. واكون شاكرة لكن فديتكن,,,
تبين تحصلين كل اللي كتبتيه ؟
وفوقها تكونين راضيه وسعيده بحيآتج بعد ؟
عدلي علاقتج مع ربج فقط ، قومي الليل وادعي واستغفري
وان كان عندج ذنوب تسوينها اتركيها مهما كنتي تشوفينها بسيطه
لربما تكون سبب ف اللي انتي فيه حاليآ
الله يفرج همج غآليتي ❤️
المشاركة الأصلية كتبت بواسطة { آحلى دلع .. 
وفوقها تكونين راضيه وسعيده بحيآتج بعد ؟
عدلي علاقتج مع ربج فقط ، قومي الليل وادعي واستغفري
وان كان عندج ذنوب تسوينها اتركيها مهما كنتي تشوفينها بسيطه
لربما تكون سبب ف اللي انتي فيه حاليآ
الله يفرج همج غآليتي ❤️
نفس الكلام اللي كنت بقوله لج..
اتوقع الاغلبيه تعرضن للخيانه الزوجيه لكن هني يبدأ دور الزوجه في اكتساب زوجها من جدديد بها الحركه كانج تعلنين استسلامج لهاي العشيقه يعني خذي ريلي حلال عليج حبيبتي انا من نصيحتي لج ما تستسلمين حاولي تغيرين من حياتج حاولي تتغيرين انتي تكون لج حياه خاصه مب كله ريلي ريلي الريال مايحب الوحدة اللي تراكض ورآه الريال يبى وحده قويه في اغلب الاشياء لو شفتي العشيقه بتقولي مب حلوه و انا احلى الريال ما يطالع الجمال او اي شيء يطالع بشخصيتها بأسلوبها بحيويتها بالتعويض اللي فقده منج تتغيري و واضبي ع الصلاه و الدعاء ان بغيتي اي شيء تواصلي معاي 😊☺️و الله يوفقج يارب
و صح موضوع الثقه مابرجع لج بسهوله مع ريلج بس ثقي بربج و بنفسج و سوي مثل ما قلت لج 😉
سهله
بسيطه جدا
اذا الحرمه تبا حياتها الزوجيه وتبا ريلها وبيتها وعيالها
بييها هالثقه مره ثانيه وثالثه ورابعه وخامسه
تعطيه فرص
لان هي اللي تباه بالدرجه الأولى
لا تسالين حد كيف تردين الثقه
انتي مع الايااام بتردين هالثقه بايدج لان تبين حياتج الزوجيه والدليل موضوعج هذا
بالتوفيق
اذا هو عايش حياته مثل ما تقولين وفي جمله ثانية انتي قاعدة تتحسبين على بنات الحرام فكيف ترجع ثقتج فيه؟
ثقتج بريلج بترجع اذا هو سعى واجتهد انه يكسب ثقتج. بتغيير افعاله.