هلا بنات شخباركم ماشالله مب بس انا اللي اعاني من حب الشباب والاثار وبقع 
طبعا ببتدي اشرح تفاصيل علاج بشرتي شلون كانت وكيف صارت الحمد لله
اولا: طبعا رحت العياده وانا متحطمه من الحبوب والاثار البقع وجهي صاير الوان وطبعا العياده مش في البلاد العياده في قطر عند دكتورة اسمها سناء تجنن وفنانه ونصوحه وايد بديت تاريخ 5/6/
المهم اول ماشافت بشرتي طبعا عطتني نفس المعقم سائل احطه على الحبوب مش على الوجه كامل لاااا لان يحرق واايد بس احطه على الحبه اللي طالع بوجهي وهاي صورته سعره 36 تقريبا
طبعا لمدة اسبوع مرتين باليوم استخدمته وحسيت وجهي يحترق ويسود ويشتد لان بدت البشرة تتعالج واي واي مقدر حتى افتح حلجي من كثر ماهو مشتد ومحترق شوي طبعا خلصت اسبوع
ثانيا: رحت مره ثانيه للدكتورة اوصفت لي مرهم يخفف الحراق وهاي صورته اعتقد سعره 38
تحميل صور
طبعا مرتين باليوم مش اكثر لان فيه نسبه بسيطه من الكورتيزون عقب ماستخدمته بدت بشرتي تلين ونفس الجلد يتقشر كأنها تطلع بشره ثانيه لمدة 8 ايام عقب رحت موعدي الثالث
اتغسلين وجهج 3 مرات بالصابونه اسمها acne-aid وايد زينه صراحه تنظف الوجه من الحبوب
المهم
ثالثا: عقب ماخلصت من المعقم وتقشرت بشرتي واستخدمت المرهم ولانت البشره طبعا الحبوب راحت كلهااااااا بقت الاثار شلووووووووووووووووووون تروح المهم ووصفت لي كريمات تفتيح للبشره وهاي الصور اسعارهم على 120 و119
وهاي السائل نفس الاولي بس هاي على اخف شوي مايحرق يعني اذا طلعت حبه بوجهي حطيت شوي على الحبه وهاي صورته سعره تقريبا 34 ريال
وشووووووفو هاي واقي الشمس بنات والله انه رووعه ثقيل شوي كريمي بس عجيب عجيب جربوه والله فنان انا حبيته والله اول مره اجرب واقي للشمس زين من قلب
انا احط الواقي الشمس الصبح واذا رجعت من الدوام اغسل وجهي بالصابونه وعقب احط الكريم اللي مكتوب عليه مرتين باليوم وارد اغسل وجهي بالصابونه وارد احط نفس الكريم واخليه لين باليل عقب اغسل وجهي لاخر مرة بالصابون واحط الجل اللي مكتوب عليه مره مساء وانام لين الصبح وااكرر نفس المراحل
وبسسسسسسسسسسسس تعبت لاتقولون واااايد اللي يبي الدح مايقول اح واللي يبي الزين يصبر واي استفسار انا حااضره
وترقبواااااااااا (( الجزء الثاني )) ليزر_ وبوتكس
حلوووو
هني حتى عيادات الجلديه ف المستشفيات الحكوميه يعطوون هالعلااجاات
ربي يووووفقج فديتج
انا اعاني نفس المشكله ..عادي اخذ نفس علاجج خخخخخخخ
اترياااااا الجزء الثاني على نااااار
ماشاءالله شكر ا على النصيحه يحلوه
الله ينور وجهك باايمان
مشكوووورة
معلومات قيمه
المشاركة الأصلية كتبت بواسطة يحراويه 
هني حتى عيادات الجلديه ف المستشفيات الحكوميه يعطوون هالعلااجاات
ربي يووووفقج فديتج
تسلمين يالغاليه ووفقنا اجمعين
المشاركة الأصلية كتبت بواسطة الغلاااا.. اترياااااا الجزء الثاني على نااااار
ههههه والله روحي للعياده افضل بس اللي مامنه مضر الصابونه + واقي الشمس + كريم التبييض اتوقع عادي تستخدمينهم